Իշխանությունները կարծում են գերիների հարց գոյություն չունի. ընդդիմադիր (video)
Անհետ կորած և գերեվարված զինծառայողների հարազատները, որոնք նախօրեին բողոքի ակցիա էին իրականացրել կառավարության մոտ, փակել էին Հանրապետության հրապարակին հարակից փողոցները, վաղ առավոտից բողոքի ակցիան շարունակում են Ազգային ժողովի շենքի մոտ։
Նրանց պահանջը նույնն է՝ ԱԺ նախագահ Ալեն Սիմոնյանը պետք է գա և պատասխան տա իր աղմկահարույց հայտարարության համար, որում գերիներին դասալիք էր անվանել։
«Մեզ փորձում են վախեցնել, որ մեր բոյկոտը, մեր ըմբոստությունը տեսնում է թշնամին և ուրախանում է։ Մենք թշնամուն ուզում ենք հասկացնել՝ մեր մեջ նժդեհներ կան։ Եթե մեր ներքին թուրքն անում է թրքահաճո քաղաքականություն, ձեր թելադրանքով անում է որոշակի քայլեր, հաստատ վստահ եղեք՝ մեր տղամարդիկ, մեր կանայք, մեր ամբողջ ազգը կանգնելու է և՛ Արցախի վերադարձի, և՛ Արևմտյան Հայաստանի վերադարձի համար։ Մենք՝ սգացող ծնողներս, ունենք արժանապատվություն և կանգնելու ենք մինչև վերջ։ Մենք պահանջատեր ենք», - ասաց ակցիային մասնակցող ծնողներից մեկը։
Հետևեք մեզ Viber-ում
