Էրդողանն ու Մերկելը կհանդիպեն

Գերմանիայի կառավարության խոսնակ Շթեֆեն Զայբերտը հայտնել է այն մասին,որ Թուրքիայի նախագահ Ռեջեփ Թայիփ Էրդողանը և Գերմանիայի կանցլեր Անգելա Մերկելը Համբուրգում կայանալիք G-20 երկրների գագաթնաժողովից առաջ հանդիպում կունենան:Թեպետ դեռևս հանդիպման ժամը հստակեցված չէ, սակայն հայտնի է, որ այն տեղի է ունենալու գագաթնաժողովից առաջ՝ Մերկել-Թրամփ հանդիպումից հետո,հայտնել է  Զայբերտը և հավելել, որ հանդիպման նախաձեռնությունը պատկանում է թուրքական կողմին: Էրդողանը նախատեսում է հուլիսի 7-8-ը մասնակցել գերմանական Համբուրգ քաղաքում կազմակերպվելիք G-20 երկրների գագաթնաժողովին: Դրանից հետո նա ծրագրել էր հանդիպել իր կողմնակիցների հետ, սակայն տարբեր սրահներ, որտեղ հանդիպում կազմակերպելու համար դիմում է ներկայացվել, մերժել են նրան: