Ինչ սպասելիքներ ունի պաշտպանն՝ Առուշ Առուշանյանի գործով այսօրվա դատական նիստից (video)
Ներկա պահին Առուշ Առուշանյանի գործով մենք գտնվում ենք դատաքննության փուլում. Նախորդ դատական նիստին մենք սպառեցինք այդ փուլում միջնորդություններ ներկայացնելու հնարավորությունը. Այսօր անցնելու ենք բույն դատաքննությանը: Այս մասին այսօր՝ նոյեմբերի 29-ին, Սյունիքի մարզի ընդհանուր իրավասության դատարանի Գորիսի նստավայրի մոտ լրագրողների հետ զրույցում նշեց Գորիսի համայնքապետ Առուշ Առուշանյանի պաշտպան Էրիկ Ալեքսանյանը:
Նրա խոսքով, առաջին քայլով պետք է որոշվի ապացույցների հետազոտման հաջորդականության կարգը. «Ապացույցների հետազոտումից հետո պաշտպանական կողմը, բնականաբար, ունի միջնորդություն: Մարտավարական հանգամանքներից ելնելով ներկա պահին չեմ ցանկանում բարձրաձայնել:
Նա նկատեց, որ ոչ մեկի համար գաղտնիք չէ, թե ինչու են մեկուսացրել Սյունիքի համայնքապետերին. «Նրանք կարող են խոչընդոտ հանդիսանալ որոշ հարցերի վերաբերյալ, որոնք լուծում է այսօր գործադիր իշխանությունը: Նույն իրավիճակը տեսանք Արթուր Սարգսյանի հետ կապված: Նման պայմաններում, եթե սա չի քաղաքական հետապնդումը, բա էլ ո՞րն է քաղաքական հետապնդումը: Մի հետապնդում, որտեղ իրավական գործընթաց չկա, երբ ամեն ինչ արվում է շատ ակնհայտ ու շատ արհեստական, մենք չենք կարող դա գնահատել որպես իրավական:Սյունիքի բոլոր համայնքապետերի նկատմամբ քաղաքական հետապնդում է իրականացվում»:
Հետևեք մեզ Viber-ում
