Ամեն ինչ թանկացել է՝ամենաէժանը մարդու կյանքն է

2021թ. հունվար-հոկտեմբեր ամիսներին, նախորդ տարվա համադրելի ժամանակահատվածի համեմատ, Հայաստանում տնտեսական ակտիվության ցուցանիշն ավելավել է 4․3 տոկոսով, իսկ 2021թ. հոկտեմբերը 2020թ. հոկտեմբերի համեմատ ցուցանիշն ավելացել է 3․6 տոկոսով: Միաժամանակ՝ ՀՀ տնտեսական ակտիվության ցուցանիշն այս տարվա հոկտեմբերին, սեպտեմբերի համեմատ, 4.9 տոկոսով պակասել է ։

Ըստ ՀՀ վիճակագրական կոմիտեի կողմից հրապարակված տվյալների՝ 2021թ. հունվար- հոկտեմբերին նախորդ տարվա համադրելի ժամանակահատվածի համեմատ արդյունաբերական արտադրանքի ծավալն ավելացել է 1․1 տոկոսով, իսկ շինարարության ծավալը՝ 5․9 տոկոսով։
Առեւտրի շրջանառությունը հաշվետու ամիսների տվյալներով ավելացել է 7 տոկոսով, իսկ ծառայությունների ծավալն առանց առեւտրի՝ 6․4 տոկոսով:

Էլեկտրաէներգիայի արտադրությունը նվազել է 3․1 տոկոսով: Արտաքին առեւտրաշրջանառության ծավալը հաշվետու ժամանակահատվածում ավելացել է 13․6 տոկոսով: Ընդ որում, արտահանման ծավալն ավելացել է 16․9 տոկոսով, իսկ ներմուծման ծավալը՝ 11․8 տոկոսով:

Սպառողական գների եւ արդյունաբերական արտադրանքի գների ինդեքսները հաշվետու ժամանակահատվածում աճել են համապատասխանաբար 6.9 տոկոս և 9․9 տոկոսով:
Առավել բարձր է սպառողական գների աճը․ պաշտոնական տվյալներով սպառողական շուկայում 12-ամսյա գնաճը (2021թ. հոկտեմբերը 2020թ. հոկտեմբերի նկատմամբ) կազմել է 9.1 տոկոս։ Մասնավորապես սննդամթերք և ոչ ալկոհոլային խմիչքի գները նախորդ տարվա նույն ժամանակի համեմաոտ աչել են 16 տոկոսով,
2021թ. սեպտեմբերի համեմատ գնաճը 1.4 տոկոս է եղել: Նման կտրուկ թանկացումը մեծապես պայմանավորված է եղել սուրճի, թեյի, կակաոյի, մրգի, կաթնամթերքի, պանրի, ձվի, ձկան և ծովամթերքի, բանջարեղենի՝ 1.5-5.2 գնաճերը: Բանջարեղենի ապրանքախմբում1 2021թ. հոկտեմբերին 2020թ. հոկտեմբերի համեմատ արձանագրվել է 69.3 տոկոս, իսկ 2021թ. սեպտեմբերի համեմատ՝ 5.2 գնաճ:
Ալկոհոլային խմիչքի և ծխախոտի գինը աճել է 10 տոկոսով։ Հագուստն ու կոշիկը մեկ տարվա ընթացքում թանկացել է մոտ 12 տոկոսով, բնակարանային ծառայությունների՝ ջուր, էլեկտրաէներգիա, գազ և վառելիքի այլ տեսակներ թանկացել են 1,5 տոկոսով։ Տնային գործածության առարկաների, կենցաղային տեխնիկայի և բնակարաննե րի խնամքի ամենօրյա գործածության պարագաների գնաճը կազմել է 9,3 տոկոս։ Առողջապահության ոլորտում ծառայությու նների գնաճը կազմել է 4,7 տոկոս, տրանսպորտը թանկացել է 8,4 տոկոսով, կապը ՝ 0,8 տոկոսով։ Հանգստի և մշակույթի ոլորտում գներն ավելացել են 7,4 տոկոսով, կրթական ծառայությեևւնները՝ 1,4 տոկոսով,։ Ռեստորաններում և հյուրանոցներում թանկացումները կազմել են 3,4 տոկոս, այլ տեսակի ապրանքների և ծառայությունների գներն աճել են 4,4 տոկոսով։
2021թ. հունվար-հոկտեմբերին սպառողական գների միջին ամսական հավելաճը կազմել է 0.4 տոկոս (նախորդ տարվա նույն ժամանակահատվածում արձանագրվել է 0.1 տոկոս նվազում): Հանրապետության բոլոր քաղաքներում 2021թ. հոկտեմբերին սեպտեմբերի համեմատ սպառողական գներն աճել են 0.5-0.8 տոկոսով, այդ թվում, գնաճի ամենաբարձր ցուցանիշն արձանագրվել է քաղաք Վանաձորում: Մայրաքաղաքում սպառողական գների մակարդակն աճել է 0.7 տոկոսով:
Այսինքն՝ համադրելով տնտեսության աճի արդյունքները գնաճի ցուցանիշների հետ, կարող ենք արձանագրել, որ գնաճը ավելի քան կրկնակի անգամ ավելի բարձր է եղել, քան տնտեսության աճը, հետևաբար տնտեսության աճը մարդկանց բարեկեցության վրա որևէ դրական արդյունք չի ունեցել։ Հակառակը գների բարձրացման հետևանքով մարդիկ սկսել են ավելի վատ ապրել, քան ապրում էին նախորդ տարվա ընթացքում։
Այսպիսով՝ հետպատերազմյան Հայաստանում ամեն ինչ թանկացել է, ամենաէժանը թերևս մարդու կյանքն է՝ հաշվի առնելով վերջին մեկ տարվա ընթացքում պատերազմի և համավարակի հետևանքով ունեցած մարդկային կորուստները։

Հայկ Դավթյան