Ես պատերազմասեր եմ․ ձեզ պահեք ձեր կեղծ խաղաղասիրությունը․ Բագրատ սրբազան (video)
Երեկ Հայաստանի գրողների միությունում կայացավ երիտասարդ գրող Վաչագան Մանուկյանին նվիրված հուշ-ցերեկույթ, գրքերի շնորհանդես։
Գրող Խաչիկ Մանուկյանը, ով Վաչագանի հայրն է, որդու մահից հետո անցել է այն դժոխքի ճամփով, որով որդին է անցել պատերազմի օրերին՝ հավաքագրելով որդու մասին հուշերը բոլոր նրանցից, ովքեր հասցրել են ճանաչել Վաչագանին պատերազմի օրերին։
«Պինդ մնացեք, իմ լույս ճրագներ». սա երիտասարդ գրող Վաչագան Մանուկյանի վերջին գրառումն է եղել։
Վաչագանը զոհվել է 2020 թվականի նոյեմբերի 8-ին՝ Շուշիի մատույցներում։
Հուշ-ցերեկույթին ներկա էին հասարակական-քաղաքական գործիչներ, Վաչագանի գրչի երկրպագուներ, պարզապես մարդիկ, ովքեր Վաչագանին չէին ճանաչում ու եկել էին ծանոթանալու նրա պատկերացումներին։
Լրագրողների հետ զրույցում Տավուշի թեմի առաջնորդ Բագրատ Սրբազանն ասաց, որ Վաչագանի ու վաչագանների առաջ մենք պարտք ունենք․ «Մենք պետք է լինենք ռազմասեր, պատերազմասեր, որպեսզի կարողանանք կերտել նոր հաղթանակներ։ Մենք պարտք ունենք և մեզ պետք չէ կերակրել կեղծ խաղաղասիրությամբ»։
Մանրամասները՝ տեսանյութում․
Հետևեք մեզ Viber-ում
