Մոսկվայից Բրյուսել՝ Փաշինյանն ու Ալիևը փոխում են հանդիպման վայրը

Նիկոլ Փաշինյանն ու Իլհամ Ալիևը համաձայնել են հանդիպել։
Հանդիպումը տեղի կունենա դեկտեմբերի 15-ին Բրյուսելում, որտեղ անցկացվելու է ԵՄ և Արևելյան գործընկերության գագաթնաժողովը, որի ժամանակ էլ ակնկալվում է Փաշինյան-Ալիև հանդիպումը։ Այս մասին հայտնել է Եվրոպայի խորհրդի նախագահ Շառլ Միշելը՝ գրառում կատարելով Twitter-ի իր էջում։
Նա հայտնում է նաև, որ պայմանավորվածություն է ձեռք բերվել Հայաստանի և Ադրբեջանի պաշտպանության նախարարների մակարդակով` միջադեպերի կանխման նպատակով ուղիղ կապի հաստատելու վերաբերյալ։

Փաշինյանի ու Ալիևի նախորդ հանդիպումը կայացել էր Մոսկվայում՝ ՌԴ նախագահ Վլադիմիր Պուտինի նախաձեռնությամբ այս տարվա հունվարի 11-ին։ Գրեթե 4 ժամ տևած բանակցությունների արդյունքում ընդունվել էր եռակողմ երկրորդ հայտարարությունը, որը հիմնականում վերաբերում էր 2020-ի նոյեմբերի 9-ի հայտարարության 9-րդ կետին, այն է՝ տարածաշրջանում բոլոր տնտեսական և տրանսպորտային կապերի ապաշրջափակման մասին կետի իրագործմանը։
Փաստորեն, այս անգամ փոխվում է և հանդիպման վայրը և միջնորդության նախաձեռնողը, ինչը հետաքրքիր է հատկապես Նիկոլ Փաշինյանի նոյեմբերի 18-ին արած արած այն հայտարարության ֆոնին, թե Ռուսաստանի Դաշնության պաշտպանության նախարարությունը դեմարկացիայի և դելիմիտացիայի նախապատրաստական փուլի վերաբերյալ հանդես է եկել առաջարկություններով, որը Հայաստանի համար ընդունելի է : <<Պարոն Պապիկյան, Ռուսաստանի Դաշնության Ձեր գործընկերոջ հետ խնդրում եմ ճշգրտեք մանրամասները և փորձենք իրագործել՝ Ռուսաստանի Դաշնության արած առաջարկների շրջանակում և հիման վրա»,- կառավարության նիստում հայտարարել էր Փաշինյանը։

Նշված հայտարարությունից մեկ օր աառաջ՝ նոյեմբերի 17-ին Ազգային ժողովում Փաշինյանը նշել էր, թե 2021 թվականի մայիսից ի վեր Հայաստանի և Ադրբեջանի սահմանների միջև դեմարկացիա և դելիմիտացիա իրականացնելու վերաբերյալ երեք առաջարկ է հնչել Ռուսաստանի Դաշնության կողմից, և երեքն էլ, ըստ էության, Հայաստանի համար ընդունելի են եղել և շարունակում են ընդունելի մնալ: Դրանք ստորագրելուց, ըստ Փաշինյանի, հրաժարվել է Ադրբեջանը։ Այս հայտարարությունից մեկ օր առաջ՝ նոյեմբերի 16-ին Հայաստամի հարավ-արևելյան ողջ սահմանը՝ Սյունիքից միչև Վայոց Ձոր, ադրբեջանական զինուժը լայնածավալ հարձակում էր սկսել։ Ըստ էության տեղի ունեցավ մեկօրյա պատերազմ, որն ավարրտվեց ռուսական կողմի միջնորդությամբ։ Հայկական կողմի զոհերի թիվը դեռ չի հրապարկվել, այս պահին ՊՆ-ն հայտարարել է 7 զոհվածի, 24 անհետ կորածների և 13 գերեվարվածների մասին։ Նոյեմբերի 16 –ին հայկական կողմն ունեցել է նաև մարտական 2 դիրքի կորուստ։
Նիկոլ Փաշինյանի պաշտոնապես նաև հայտարարել է, որ ադրբեջանական զինուժն ՀՀ ինքնքիշխան տարածքից օկուպացրել է 41 քառակուսի կմ տարածք։
Այս ընթացքում՝ առանց դեմարկացիայի և դելիմիտացիայի, Ադրբեջանն արդեն իսկ զավթել է Գորիս-Կապան ճանապարհի 21 կմ-ամոց հատվածը, ինչին Հայաստանի իշխանությունը, մասնավորապես Նիկոլ Փաշինյանը տվել է իր համաձայնությունը։

Թե ինչ հարցերի շուրջ և ինչ օրակարգով է տեղի ունենալու բրյուսելյան հանդիպումը չի մանրամասնվում։ Սակայն, հաշվի առնելով, օրակարագի առաջնային հարցը սահմանազատումն է, հավանական է, որ հենց այդ հարցով ռուսական կողմի առաջարկը դառնա քննարկման թեմա։ Ըստ ամենայնի՝ անդրադարձ կարվի նաև գերիների վերադարձի հարցին։

Հայկ Դավթյան