25 եվրո Վրաստանից Եվրոպա թռչելու համար
Վրաստանից Եվրոպա հնարավոր կլինի թռչել 25 եվրոյով: Հունգարական «Wizz Air» ավիաընկերությունը Իմերեթի շրջանի միջազգային օդանավակայանում նոր բազա է բացել, որտեղից սեպտեմբեր ամսից հնարավոր կլինի Եվրոպա հասնել ընդամենը 25 եվրոյով: Այս մասին հայտնում է Newsgeorgia.ge-ն: Այս մասին հաղորդվում է Վրաստանի էկոնոմիկայի և կայուն զարգացման նախարարութան պաշտոնական հայտարարության մեջ: Կենտրոնական և Արևելյան Եվրոպայի ամենամեծ բյուջեով ավիաընկերությունը սեպտեմբերի 23-ից կսկսի չվերթեր իրականացնել Քութաիսից Բեռլին, Միլան, Մյունխեն, Դորտմունդ, Սալոնիկի և Սոֆիա: «Լավ է, որ ընկերությունը Քութաիսում բազա է բացել, և մենք կունենանք Եվրոպայի ուղղությամբ նոր յոթ չվերթեր: Դա լավ է զբոսաշրջության և բիզնեսի զարգացման, ինչպես նաև Եվրոպայի հետ կապ պահպանելու համար»,- հայտնել է Վրաստանի վարչապետ Գեորգի Կվիրիկաշվիլին: Վրաստանի էկոնոմիկայի նախարար Դմիտրի Կումսիշվիլին հայտնել է, որ ճիշտ ռազմավարության և մարկեթինգային քաղաքականության շնորհիվ Վրաստան են այցելում տարեցտարի ավելի մեծ թվով արտասահմանցիներ: Քութաիսի միջազգային օդակայանից 2015 թվականին օգտվել է շուրջ 183 000 մարդ, որը 2014թ-ի տվյալների համեմատ՝ քիչ է 16.1%-ով:
Հետևեք մեզ Viber-ում
