«Արամ Հարությունյանի առանձնատունը կառուցվել է օրենքի կոպիտ խախտմամբ»

ԱԺ «Ելք» խմբակցության պատգամավոր Լենա Նազարյանը կարծում է, որ ՀՀ բնապահպանության նախկին նախարար Արամ Հարությունյանի՝ Սեւանի ափին գտնվող առանձնատունը կառուցվել է օրենքի կոպիտ խախտմամբ: «Ջրօգտագործման ընկերությունները հանրային ռեսուրսից անօրինական փող են աշխատում, կան կոռուպցիոն ռիսկեր: Շորժա գյուղից դեպի Արտանիշ արգելոց տանող ճանապարհին՝ լճի ափից մի քիչ հեռու կա մի առանձնատուն, որը գյուղացիների վկայությամբ պատկանում է բնապահպանության նախկին նախարար Արամ Հարությունյանին: Այս կառուցապատումը ժամանակին օրենքի կոպիտ խախտմամբ է  եղել, հիմա էլ պարզ է, որ Սեւանի ջրառի վերաբերյալ հարակից զեկուցողի ցանկացած պնդում վստահություն չի ներշնչում»,-ասաց նա: ՀՀԿ-ական պատգամավոր Արամ Հարությունյանը` արձագանքելով նրա մեղադրանքներին, ասաց, որ առանձնատունն անհրաժեշտության դեպքում կարղ է տեղափոխվել ցանկացած նիշի: «Տունը հիմնականում իրենից ներկայացնում է մետաղական թեթև կոնստրուկցիա՝ տեղափոխման հնարավորությամբ, որին լճի բարձրացման վտանգ չի սպառնում»,- տեղեկացրեց նա: