«Զանգեզուրի միջանցքը» կնպաստի տարածաշրջանում ապրանքաշրջանառության աճին. Բայրամով
Ադրբեջանի արտգործնախարար Ջեյհուն Բայրամովը Ստամբուլում համաժողովի ժամանակ հայտարարել է, որ «Զանգեզուրի միջանցքը» կնպաստի տարածաշրջանում ապրանքաշրջանառության աճին:
«Ուշադրություն դարձրեք Հարավային Կովկասում խաղաղության նախաձեռնություններին և Բաքվի ու Անկարայի հաջող համագործակցությանը։ Վառ ապացույցը 3 + 3 նախաձեռնությունն է, որն ուղղված է հետկոնֆլիկտային տարածաշրջանային համագործակցությանը:
Կոնկրետ քայլեր են ձեռնարկվում տրանսպորտային հաղորդակցությունների, այդ թվում՝ «Զանգեզուրի շատ կարևոր միջանցքի» բացման ուղղությամբ, ինչը կնպաստի տարածաշրջանում ապրանքաշրջանառության աճին։ Հուսով ենք, որ Թյուրքական խորհրդի գործընկերները նույնպես կօգտվեն այս հնարավորություններից»,- ասել է նա:
Հետևեք մեզ Viber-ում
