Թուրքիայի խորհրդարանը հաստատեց
Թուրքիայի Ազգային մեծ ժողովը (մեջլիսը) հաստատեց Ադրբեջանում թուրք զինվորականների ծառայությունը մեկ տարով երկարաձգելու մասին օրինագիծը։ Թուրքիայի նախագահի ներկայացրած առաջարկը ընդունվել է ձայների մեծամասնությամբ։
Դեմ է քվեարկել միայն քրդամետ ընդդիմադիր «Ժողովուրդների դեմոկրատական կուսակցությունը» (HDP-ԺԴԿ)։
Ադրբեջանի կողմից օկուպացված Ակնայի (Աղդամ) շրջանում տեղակայված՝ շուրջ վեց տասնյակ զինվորականներից կազմված թուրքական զորախումբը դիտորդական առաքելություն է իրականացնում ռուս զինվորականների հետ համատեղ մշտադիտարկման կենտրոնում:
Դիտորդական առաքելության իրականացման շուրջ Ռուսաստանի և Թուրքիայի իշխանությունները համաձայնության են եկել 44-օրյա պատերազմից հետո։
Աղբյուր` Ermenihaber.am
Հետևեք մեզ Viber-ում
