Նիկոլը հայտարարեց՝ հայկական հողը թուրքին տալու որոշումն ինքն է կայացրել․ Գեղամ Մանուկյան (video)
Կառավարության դիմաց քաղաքացիները բողոքի ակցիա են անցկացնում։
«ՀՀ տարածքում թույլ են տվել տեղադրել թշնամական պահակակետ՝ մաքսակետ։ Ավելին, հպարտանում են, որ իրենք են թույլ տվել։ Մեր ամեն մեկի պարտքն է պատասխան պահանջելու այն դավաճանական գործողությունների համար, որի հետևանքով այսօր Հայաստանի հարավը կտրվել է մնացյալ ամբողջ երկրից, երբ շրջափակման մեջ են մնացել Սյունիքի մի շարք գյուղեր, իսկ իրենք շարունակում են հպարտանալ, թե բերել են խաղաղություն։ Նրանք բերել են ստրկություն, պարտություն, նվաստացում», - ակցիայի ժամանակ հայտարարեց ԱԺ «Հայաստան» խմբակցության անդամ Գեղամ Մանուկյանը։
Նա ասաց, թե Աժ-ում ունեն այս հարցերը տալու և պատասխաններ պահանջելու հնարավորություն, բայց քանի որ հարցը հրատապ է, նույն հարցնն ուղղում են կառավարության դիմաց և ակնկալում են, որ կառավարությունից պետք է իջնեն և պատասխան տան։
«Պատասխան՝ իրենց դավաճանական արարքների համար», - ասաց Գեղամ Մանուկյանը։
Հետևեք մեզ Viber-ում
