Գեղարքունիքի մարզի բնակիչները տագնապած են․ երկու օր է դրոններ են պտտվում սարերում․ Տիգրան Եղոյան

Ազգայնական Տիգրան Եղոյանը ահազանգել է hayeli.am:
Տիգրան Եղոյանի խոսքով՝ Վայոց Ձորի բնակինչները տագնապած են։ 2021 թվականի նոյեմբերի 9-ին լրանում է կապիտուլյացիոն չարաբաստիկ փաստաթղթի մեկ տարին։ Շատերի խոսքով՝ այդ օրը հնարավոր է Հայաստանի քաղաքական ղեկավարությունը նոր փաստաթուղթ ստորագրի։ Ըստ Տիգրան Եղոյանի՝ այս իշխանությունն ամեն ինչ անում է ճանաչելու Ադրբեջանի տարածքային ամբողջականությունը և նոյեմբերի 9-ին հնարավոր է նոր փաստաթղթով Հայաստանը կանգնի վտանգավոր մարտահրավերների առաջ․ «Մարդիկ տագնապահար արոտավայրերից իջնում են։ Այլևս հնարավոր չի լինելու կանգնեցնել այն ցասումը, որն առաջ է գալիս։ Ես զգուշացնում եմ բոլորին՝ վերջին օրերին մեր բնակավայրերի վերևում դրոններ ենք նկատում։ Ինքս մտնելու եմ մոտակա որսորդական խանութ, զենք եմ գնելու ու ոչնչացնեմ այդ դրոնները։ Մեզ այլևս չեք կարող կանգնեցնել։ Ով ուզում է լինի, դուրս եկեք փողոց, որովհետև սեղանի տակ կզած կապիտուլյանտը հակահայկականություն է վարում։ Ժողովուրդն անորոշության մեջ է։ Դիմում եմ քաղաքական այրերին՝ վերջ տվեք ժողովրդին աղբ անվանելուց, ժողովուրդն արթնացել է և այս անգամ ժողովրդական ալիքի տակ բոլորը ճզմվելու են։ Ես հավաքում եմ ժողովրդին․ կլինեն քաղաքացիական խաղաղ, բայց և ծայրահեղ ակցիաներ, սակայն պետք է ազգբ առաջնորդ ունենա, այլապես ժողովուրդը կդառնա ամբոխ»։