Մեդվեդևը համաշխարհային առաջնորդներին հորդորել է համախմբվել
«Риа Новости»-ն տեղեկացնում է,որ Ռուսաստանի վարչապետ Դմիտրի Մեդվեդեւը Գերմանիայի դաշնային կանցլեր Հելմուտ Կոլի վերջին հրաժեշտի արարողության ժամանակ հայտարարել է, որ Եվրոպայում առկա հակասությունները չեն մոտեցնում «մեկ տանիքի» ստեղծման նպատակին: «Շարժվել դեպի այդ նպատակը:Պետք է ընդունել, որ այսօր մեր հակասությունների պատճառով բավականին հեռու ենք մեկ ընդհանուր տանիք ստեղծելու մեր երազանքից»,-նշել է ՌԴ վարչապետը: «Նրանց ընդհանուր նպատակը պետք է լինի հենց միասնական, անվտանգ եւ բարգավաճ Եվրոպան:Հելմուտ Կոլը ավելի դժվարին ժամանակներում ապացուցել է, որ այդ նպատակը հասանելի է: Նրա ջանքերի արժանի հետեւորդ լինելու պատասխանատվությունն է այժմյան համաշխարհային առաջնորդների ուսերին: Հելմուտ Կոլը երազում էր ոչ միայն միասնական Գերմանիայի, այլեւ միասնական Եվրոպայի մասին եւ տեսնում էր Ռուսաստանը որպես դրա անբաժան մաս»,-ասել է նա:
Հետևեք մեզ Viber-ում
