Այսօր Մեսսիի հարսանիքն է. աստղային հյուրերը

Այսօր արգենտինական Ռոսարիո քաղաք կժամանեն «Բարսելոնա»-ի և Արգենտինայի հավաքականի հարձակվող Լիոնել Մեսսիի հարսանիքի 260 հյուրերը: Այս մասին գրում է Spletnik.ru-ն: Հարսնացուն և իր սիրելին ծնվել են այս քաղաքում, և հաշվի առնելով այն, որ Մեսսին քաղաքի պատվավոր քաղաքացի է, նրա հարսանիքին շատերն են պատրաստվում: Նրանց շնորհավորելու կգնան նրա գործընկեր-ֆուտբոլիստները, ինչպես նաև Շակիրան, ով հրավիրվել է Ժերար Պիկեի հետ միասին: Ամուսնության գրանցման արարողությունը տեղի կունենա հյուրանոցային համալիրում, իշխանությունները որոշել էին հարսանիքին նախօրոք պատրաստվել: Հարսանիքին անվտանգությունը կապահովեն 300 ոստիկաններ: Հարսնացուի զգեստը կլինի «Rosa Clara» բրենդից: