Ինչով է Դավիթ Տոնոյանը շանտաժ անում Նիկոլ Փաշինյանին

Պաշտպանության նախկին նախարար Դավիթ Տոնոյանն առաջադրված մեղադրանքը չի ընդունում եւ  որևէ պարագայում չի ընդունի, քանի որ իրեն մեղադրում են մի արարքի կատարման մեջ, որը նա չի կատարել: Այս մասին հայտարարություն է տարածել Դավիթ
Տոնոյանի փաստաբանական խումբը:

ՀՀ ՊՆ գնումների գործընթացում թույլ տրված աննախադեպ կոռուպցիայի փաստի
առթիվ հարուցված քրեական գործով անցած շաբաթ կալանավորվեցին նախկին նախարար Տոնոյանն ու ԳՇ պետի տեղակալ Ստեփան Գալստյանը, ինչպես նաեւ զենքի
մատակարար ընկերության տնօրեն Դավիթ Գալստյանը՝ Պատրոն Դավիթը:
Հայտարարությունում նաեւ ասվում է. «ՀՀ պաշտպանության նախարարի պաշտոնից
ազատվելուց հետո պարոն Տոնոյանը ձեռնպահ է մնացել մեկնաբանություններից՝
հաշվի առնելով պետական գաղտնիքը, ՀՀ ազգային անվտանգության եւ միջպետական
հարաբերությունների շահերը: Այսօր եւս պարոն Տոնոյանն այդ շահերը վեր է
դասում սեփական շահերից եւ տիրապետելով տեղեկատվության մեծ ծավալի՝ այն չի
օգտագործում հանրային տիրույթում սեփական պաշտպանության համար»:

Ըստ հայտարարության` Տոնոյանը վստահ է, որ հատուկ մասնագիտական գիտելիքներ
ունեցող անձանց կողմից կատարված փորձաքննության արդյունքները փաստարկված ու
անաչառ պատասխաններ կտան ՀՀ զինված ուժերի համար «անորակ» «տեխնիկական
նորմերին չհամապատասխանող» զենք-զինամթերքի մասին պնդումներին:
«Պարոն Տոնոյանը պայքարելու է հանուն արդարության, իր անմեղության բարի
համբավի վերականգման համար»,– եզրափակել են փաստաբանները։
Ակնհայտ է, որ այս հայտարարության տողատակերում Նիկոլ Փաշինյանին ուղղված
սպառնալից մեսիջ է առ այն, որ Դավիթ Տոնոյանն ինչ-որ պահից գուցե աչք փակի
պետական գաղտնիքի վրա եւ իրունեցած ինֆորմացիան հրապարակի, եթե քրեական
գործը չգնա իր համար բարենպաստ ուղղությամբ: Ինչպես հայտնի է` տարօրինակ
կերպով մեղադրանք չի առաջադրվել ԳՇ պետ Արտակ Դավթյանի նկատմամբ, այն
պարագայում, երբ բանակում որեւէ գնում առանց ԳՇ պետի հաստատման չի կարող
կայանալ: Ըստ ամենայնի՝ Դավիթ Տոնոյանը հասկացել է, որ Փաշինյանը որոշել է
իրեն իսկապես քավության նոխազ դարձնել, պատերազմի թիվ մեկ մեղավոր հռչակել
եւ որոշել է անցնել հակագրոհի: Գաղտնիք չէ, որ մեր հանրությունը սիրում է
նման աղմկոտ շոուներ, առաջին պահից թվում էր, թե Նիկոլ Փաշինյանը այս աղմկոտ
գործով փորձում է տեսարաններով կերակրել ժողովրդին, սակայն չի բացառվում,
որ նա իսկապես քավության նոխազ է փնտրում, ի վերջո, խայտառակ պարտության
համար իշխանությունից որեւէ մեկը մինչ օրս պատասխանատվության չի ենթարկվել:
Անշուշտ, նա գիտի, որ բանակի հրամկազմը, եւ հատկապես Տոնոյանը սկանդալային
տեղեկությունների են տիրապետում իր վերաբերյալ, բայց կյանքը ցույց տվեց,
որ գեներալիտետը հակված չէ խոսելու, հիմա եթե Դավիթ Տոնոյանն ինչ-որ բաներ
էլ հայտարարի, ապա պահը բաց է թողնված եւ դժվար թե դրանք անդառնալի
հետեւանք ու նշանակություն ունենան Փաշինյանի համար: Փոխարենը ինքը կարող է
իր փիառի համար զոհաբերել հանցակիցներին
Առաջիկա զարգացումները ցույց կտան՝ արդյոք Փաշինյանն ընկրկում է Տոնոյանի
շանտաժին, թե այնուամենայնիվ իր փիառն ավելի է կարեւորելու:

Անի Սահակյան