Անկարային զայրացրել են

Անկարայում զայրացել են միջազգային լրատվամիջոցներում նախագահ Ռեջեփ Էրդողանի մասին հրապարակումների առիթով։ Մասնավորապես, Թուրքիայի հանրության հետ կապերի գծով տնօրեն Ֆահրեթթին Ալթունը շտապել է այդ հոդվածներն անվանել «ֆեյք» եւ «սուտ»։

Reuters-ը, հղում կատարելով աղբյուրներին, տեղեկացրել էր, որ Էրդողանը հիասթափվել է ԿԲ ներկայիս տնօրենից, որին ինքն էր նշանակել 7 ամիս առաջ։ 

Foreign Policy-ն գրել էր Էրդողանի առողջական վիճակի մասին։ Մասնավորապես, նշվել էր, որ այն կարող է այնքան վատանալ, որ նախագահն ի վիճակի չի լինի առաջադրվել 2023թ. ընտրություններում։ 

«Այն, որ անգամ խոշոր կազմակերպություններն են տարածում նման կեղծիք, խոր մտահոգություն է առաջացնում»,- գրել է Ալթունը Թվիթերում։