Թույլ չենք տա

RIA Novosti լրատվական գործակալության փոխանցմամբ՝ Թուրքիայի նախագահ Ռեջեփ Էրդողանը լրագրողների հետ զրույցում հայտարարել է, որ Անկարան Սիրիայի քրդերին թույլ չի տա միջանցք ստեղծել Սիրիայի հյուսիսում իրենց կողմից վերահսկվող շրջանների միջև. «Ռուսաստանը գործում է Բաշար Ասադի վարչակարգի, PYD-ի, ինչպես նաև դրա հետ կապված ուժերի հետ համատեղ։ Ռուսաստանը տարածքներ է բացում նրանց համար, որը պատրաստվում են լցնել PYD-ի ուժերն ու մեզանից հարավ ընկած տարածքում ստեղծել միջանցք (Սիրիայի քրդերի Աֆրին ու Քոբանի ինքնավար շրջանների միջև)»։ Նա ընդգծել է, որ Թուրքիան թույլ չի տա, որ PYD-ն տիրի Թուրքիայի հետ սահմանակից սիրիական Ազեզ քաղաքը. «Դրա դեմ ուղղված մեր հարձակումները կշարունակվեն։ Մենք լուռ չենք հետևի մեր հարավային սահմանին կատարվող ապօրինի գործողություններին»։