Ինչպե՞ս 20000 դրամանոց ՊՇՌ թեստը կախարդական ձևով դարձավ 8000.ժողովրդին այսքան ժամանակ թալանել են. (video)

Առողջապահության նախարարության դիմաց պատվաստվելու կամ յուրաքանչյուր 14 օրը մեկ ՊՇՌ թեստի արդյունք ներկայացնելու պարտադրանքի դեմ բողոքի ակցիա է ընթանում։ Մասնակիցներից մի քանիսին ոստիկանությունը բերման է ենթարկել։

Ակցիայի նախաձեռնողներից Էմիլ Մարկոսյանը լրագրողներին հայտնեց, որ քաղաքացիներին անհասկանալի պատճառաբանություններով են տարել ոստիկանության բաժին:

Մյուս խնդիրը ՊՇՌ թեստերի արժեքին է վերաբերում։

«Ինչպե՞ս է ստացվում, որ մինչև վերջերս 15-20 000 արժողությամբ ՊՇՌ թեստը կախարդական ձևով դարձավ 7-8 000 դրամ։ Փաստորեն, նշանակում է, որ Առողջապահության նախարարությունում այսքան ժամանակ եղել են գերշահույթ հետապնդողներ ու անպատիժ են մնացել։ Ո՞ւմ գրպանն են մտել այդ փողերը։ Ընդամենը եկել էինք դա հարցնելու։ Գուցե իրենց էլ հետաքրքրեր, գտնեին իրենց միջից այդ կոռուպցիոներին, ենթարկեին պատասխանատվության։ 20 000 դրամանոց ՊՇՌ-ն 1-2 օրում դարձավ 7 000 դրամ, նշանակում է՝ ժողովրդին այսքան ժամանակ թալանել են։ Եթե կար գինն էականորեն իջեցնելու հնարավորություն՝ ոչ թե 1 000- 2000 դրամով, այլ՝ էականորեն, ինչո՞ւ մինչև հիմա չեն արել։ Ինչո՞ւ են թալանել բազմաթիվ մարդկանց։ Այդ հարցերին նրանք խիզախություն ու համարձակություն չունեն պատասխանելու», - ասաց Էմիլ Մարկոսյանը։