Զբոսաշրջիկներին հետաքրքրում է հայկական գորգը
Զբոսաշրջիկների մասին պաշտոնական թվերն ու կանխատեսումները վիճարկելի են, բայց որ ամռան ամիսներին զբոսաշրջիկների հոսքը մեծանում է Երևանում, փաստ է։ Հատկապես կենտրոնում հաճախ կարելի է հանդիպել ինչպես եվրոպացիների ու նախկին խորհրդային տարածքի երկրներից ժամանած զբոսաշրջիկների, այնպես էլ իրանցիների, որոնք մեր երկրում զգում են՝ ինչպես իրենց տանը։ Այս մասին գրել է «Առավոտ»-ը:
«Վերջիններիս հանդեպ, սակայն, ոչ միշտ է երևանցիների վերաբերմունքը բարյացակամ։ Զբոսաշրջիկները հետաքրքրված են լինում հատկապես այն հաստատություններով, որոնք հայկական շունչ կամ բաղադրիչ ունեն, Հյուսիսային պողոտայի բարձրահարկերով նրանց չես զարմացնի։ Իսկ Աբովյան փողոցում գտնվող Մեգերյան կարպետ ընկերության խանութի մուտքի մոտ նրանք հաճախ են կանգնում։ Պատճառը հենց փողոցում դրված դազգահն է, որի առաջ նստած երիտասարդ աղջիկները գորգ են գործում։ Զբոսաշրջիկները ոչ միայն ուշիուշով հետևում են նրանց աշխատանքին, այլև հարցեր տալիս, հեռախոսով նկարում», - հավելել է թերթը:
Հետևեք մեզ Viber-ում
