Հիմա քաղաքական հողի վրա պառակտվելու ժամանակը չէ. Արմեն Գրիգորյան (video)
Այսօր լուռ, մոմերով կանգնելու ենք բոլոր այն մարդկանց, առաջնահերթ՝ Արցախյան 44-օրյա պատերազմում իրենց կյանքը տված նահատակների հիշատակի համար, այն մարդկանց, որոնք իրենց կյանքը տվել են հանուն Հայաստանի անկախության. այսպես են Հայաստանի անկախությունը նշում են, իսկ այսօր՝ ժամը 00:00-ին, այստեղից դեպի Եռաբլուր ենք քայլելու երթով: Այս մասին լրագրողների հետ զրույցում նշեց ռեժիսոր Արմեն Գրիգորյանը, որը միացել էր կառավարության դիմաց գտնվող այն քաղաքացիներին, որոնք իրենց դժգոհությունն էին արտահայտում սեպտեմբերի 21-ին Հանրապետության հրապարակում տոնական համերգի անցկացման առնչությամբ:
«Հիմա քաղաքական հողի վրա պառակտվելու ժամանակը չէ, կարեւորն այն է, որ առողջ ուժերը միանան: Կապ չունի՝ քոչարյանական եք, սերժական եք, քրիստոնյա ե՞ք, թե՞ կաթոլիկ, հայ ե՞ք, թե ասորի կամ այլ ազգի ներկայացուցիչ, միացեք վաղվա քայլերթին, եթե այս հողը ձերն եք համարում»,- նշեց Գրիգորյանը:
Հետևեք մեզ Viber-ում
