Դրոններով շոու է լինելու. ցանկացած գունագեղ շոու պ..նկություն է. ռեժիսոր. տեսանյութ

Դրոններով շոու է լինելու. ցանկացած գունագեղ շոու պոռնկություն է. Այդ համերգը չպետք է լինի: Այս մասին, այսօր՝ սեպտեմբերի 17-ին, Հանրապետության հրապարակում լրագրողների հետ զրույցում նշեց կինոռեժիսոր Արմեն Գրիգորյանը:

«Անկախության օրը տոնելը, երբ խայտառակ, դավաճանված պատերազմի մեկ տարին չի անցել, երբ որ ամեն օր աճյուններ են գտնում, հուղարկավորություններ են լինում, այստեղ գունագեղ շոու է լինելո՞ւ: Ընդ որում թուրքական բեմի վրա եւ դրոններով: Վաղը դրոններով շոու է լինելու, Պիտերից են բերել, գույնզգույն բաներ են անելու: Ցանկացած գունագեղ շոու պոռնկություն է: Եթե էս երկրում կա ազգ, կան մարդիկ, նրանք վաղվանից պետք է էստեղ կանգնած լինեն, որովհետեւ էս համերգը չպետք է լինի»,-ասաց նա:

Գրիգորյանը հայտարարեց, որ վաղվանից պայքար են սկսվում՝ թշնամիներով օկուպացված հայրենիքը վերադարձնելու։ Վաղվանից 15։00-ից պայքարելու են՝ տոնախմբությունը չեղարկելու համար։