Փաշինյանը կպատժի՞ Արամ Սարգսյանին
Նիկոլ Փաշինյանի հաճախորդաց հարեմում, ըստ ամենայնի, ռակիրովկաներ են ընթանում։ Հավանաբար, Փաշինյանը քասթինգ է հայտարարել, եւ ուզում է ստուգել բոլորի հավատարմությունը ու թարմացնել հարեմի կազմը, ի վերջո, առաջիկայում քաղաքական բուռն գործընթացներ են, ՏԻմ ընտրություններին քաղաքական հակառակորդներին սեւացնողներ են պետք։
Եւ, ահա, բոլոր ժամանակների իշխանության մոտ հաճախորդ աշխատած Արամ Սարգսյանը, որ չխորշեց եղբոր ստեղծած հայոց բանակը ոչնչացնող, եղբոր ազատագրած Արցախը հանձնող հակապետական իշխանության հաճախորդն էլ աշխատել, որոշել է գերազանցել բոլորիին ու բլոր ռեկորդները՝ ամենաանհեթեթ մտքեր հայտնելու մրցավազգում զբաղեցնելով առաջին տեղը։
Նա հարցազրույց է տվել լրատվականներից մեկին եւ խոսելով ՀՀ նախկին գլխավոր դատախազ Աղվան Հովսեփյանի ձերբակալության մասին, ասել է, թե Գառնիկիչն իր հարազատների նկատմամբ էլ է հետապնդումներ իրականացրել, բնականաբար, Զավենիչը Զավենիչ չէր լինի, եթե չհնչեցներ Քոչարյանի անունը։ Ասել է, թե Հովսեփյանն այդ ամենն արել է Քոչարյանի հրահանգով, ուստի պետք է նրա դեմ ցուցմունք տա։ Բայց սա ամենը չէ։ Հաճախորդաց հարեմի այս վետերանի տեղն, ըստ ամենայնի, այնքան նեղն է, որ նա որոշել է իրեն մեծ կշիռ տալ, Փաշինյանին ցույց տալ, թե ինքն ինչ ֆիգուր է եղել,որ իր գոյությունը միայն Վազգենի եղբայր լինելու մեջ չէ միայն եւ ասել է, թե այդ ամենը թելադրվել է մոսկվայի կողմից, ուստի Պուտինին էլ պետք է կանչել պատասխանատվության․ <<ՀՀ-ում ընթացող բոլոր գործողությունները փոխկապակցված են իրար, իսկ այդ փոխկապակցվածությունների ծայրը Մոսկվան է։ Այսինքն՝ իմ կարծիքով՝ Աղվան Հովսեփյանը պետք է ցուցմունքներ տա Ռոբերտ Քոչարյանի վրա, որովհետև նա է պատվիրել, Ռոբերտ Քոչարյանն էլ պիտի ցուցմունքներ տա Վլադիմիր Պուտինի վրա, որովհետև նա է ասել, որ Հայաստանում նման բաներ չպետք է լինեն, հեղափոխությունները վատ բան են, ազգերին հետ են գցել։ Մի շաբաթ առաջ Պուտինը նույն բանն էր ասում, ոչ մի բան չի փոխվել այդ ժամանակներից>։
Ահա այսպիսի ահասառսուռ կոչ է հնչեցրել Արամ Սարգսյանը, ՌԴ նախագահ Վլադիմիր Պուտինին թերեւս մնում է բարեխոսել Արամ Սարգսյանի հետ, խնդրել-աղաչել, որ հետ վերցնի իր կոչը, հակառակ դեպքում ինքը կորած է, Ռուսական կասրությունն էլ՝ փլուզված, եւ որ ամենակարեւորն է՝ Նիկոլ Փաշինյանն էլ ուրացած։ Արամ Սարգսյանը հավանաբար այնքան մերժված է Նիկոլ Փաշինյանի կողմից, որ չի ճշգրտել նրա սրբության սրբոցները։ Նոյեմբերի 9—ից հետո Փաշինյանն անթաքույց Պուտինի թաշկինակի դերն է ստանձնել, որտեղ ուզում, նրան քսում են, Հայաստանում ներքաղաքականից կադրային հարցեր լուծվում են Պուտինի կամքով։
Արդյոք ՓԱՇԻՆՅԱՆԸ նորից վտանգավոր խաղերի մեջ է մտել եւ փորձում է երկու լարի վրա թռչկոտել՝ Ռուսաստան եւ Արեւմուտք ու դրա ավետիսն էլ բերում է իշխանական կլոունադայի ամենավառ կլոունը, պարզ կդառնա առաջիկա գործընթացներից։
Անի Սահակյան
Հետևեք մեզ Viber-ում
