Բոլորը, այդ թվում նաեւ Պուտինը

Ռուսաստանը հանդես է գալիս մերձավորարեւելյան տարածաշրջանի բոլոր պետությունների ամբողջականության օգտին եւ դիվանագիտական գործընթացին այլընտրանք չի տեսնում, լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, տեղեկացնում է ՏԱՍՍ-ը: «Բոլորը, այդ թվում նաեւ Ռուսաստանը, հետաքրքրված են տարածաշրջանի բոլոր պետությունների. այդ թվում` Սիրիայի տարածքային եւ քաղաքական ամբողջականության պահպանմամբ: Բոլորը, այդ թվում նաեւ` նախագահ Պուտինը, ելնում են խնդրի քաղաքական լուծման անայլընտրանքայնությունից: Միաժամանակ ձեզ հիշեցնեմ Պուտինի նախանցյալ օրվա հայտարարությունն այն մասին, որ ճգնաժամի հաղթահարման համար անհրաժեշտ է հաղթել ահաբեկիչներին», - ասել է նա: