Մնում է մեր վզին. Վարդան Արամյան

ԱԺ մշտական հանձնաժողովներում 2016թ. պետական բյուջեի կատարողականի քննարկմանը Ֆինանսների նախարար Վարդան Արամյանին դիմելով՝ Ելք խմբակցության ղեկավար Նիկոլ Փաշինյանը, հարց ուղղեց նրան. «Պետական կառավարման տարբեր բլոկների ներկայացուցիչները տարբեր տրամադրությամբ են խոսում նավթի` համաշխարհային գների անկման մասին` տնտեսագետները` տխուր, իսկ ռազմական ոլորտը` բավականին ուրախ։ Հիմա մենք ի՞նչ ենք ուզում` բարձրացո՞ւմ, թե՞ իջեցում։ ՎՊ տվյալներով` միայն պետական պարտքի սպասարկման համար 2020թ. մեկ մլրդ դոլար է պետք։ Նաեւ ուզում եմ իմանալ` արտաքին պարտքի սպասարկման պիկը ե՞րբ է լինելու: Խնդրում եմ` նշեք նաեւ` ինչու է եղել բյուջեի թերակատարում»։ Ի պատասխան Վարդան Արամյանը ասաց. «Երբ մենք ծանրոցներ ենք բարձրացնում, մեր կարողությունը 70 կգ է, սակայն մենք բարձրացնում ենք 120 կգ։ Երբ տնտեսական անկում ենք ունենում, ապա այդ ծանրությունը մնում է մեր վզին։ 2013թ. 500 մլն-ի պարտատոմս վերցրինք, սակայն այն ամբողջովին չենք մարելու։ Կարող ենք մարել, սակայն` իմա՞ստը։ Այդ իմաստով է ՎՊ-ն ասել 2020թ. մասին։ Ընտրելու ենք այն հարմար պահը, որ շուկան բարենպաստ կլինի, ու պարտատոմսերի այդ վերաթողարկումը կանենք»։