Իսրայելը հրթիռային հարվածներ է հասցրել «Հեզբոլլահի»-ի դիրքերին

Իսրայելական ռազմաօդային ուժերն ուրբաթ գիշեր գրոհել են Դամասկոսի և Հոմսի արվարձաները, որտեղ տեղակայված են «Հեզբոլլահ» շարժման շիա ջոկատների զինապահեստները:

Ինչպես փոխանցում է ՏԱՍՍ գործակալությունը՝ մի քանի հրթիռ է արձակվել շիա գրոհայինների ուղղությամբ՝ սիրիական մայրաքաղաքից դեպի արևմուտք ընկած Կալամուն լեռնային շրջանում: Պայթյունները լսվել են Կասյուն լեռան շրջանում և Դամասկոսի մոտակա «Մեզզա» ռազմական օդանավակայանում: Սիրիացի զինվորականների և աշխարհազորայինների շրջանում կորուստների մասին տեղեկություն չի ստացվել: