Ալիևը պնդում է, թե Պուտինը համաձայն է իր հետ. ինչ են քննարկել
Ադրբեջանի նախագահ Իլհամ Ալիևը հայտարարել է, որ Բաքվի և Մոսկվայի դիրքորոշումները Արցախի հարցում համընկնում են, Ադրբեջանն ու Ռուսաստանի Դաշնությունը համարում են, որ ԼՂ հակամարտությունն ավարտված է: Ալիև խոսքով, հուլիսի 20-ին Մոսկվա կատարած այցի ընթացքում Ռուսաստանի նախագահ Վլադիմիր Պուտինի հետ քննարկել է տարածաշրջանում տիրող իրավիճակը:
«Մենք քննարկել ենք հետպատերազմյան իրավիճակը տարածաշրջանում, ներառյալ Զանգեզուրի միջանցքը և հետկոնֆլիկտային շրջանը: Մոտեցումների հարցում մենք տարաձայնություններ չունենք: Մենք՝ Ռուսաստանը և Ադրբեջանը, հավատում ենք, որ պատերազմն ավարտվել է, հակամարտությունն ավարտվել է», - ասել է Ալիևը AzTV պետական հեռուստաընկերությանը տված հարցազրույցում:
Ալիեւը հավելել է, որ Զանգեզուրի միջանցքը պետք է բացվի, ինչպես նախատեսված է 2020 թվականի նոյեմբերի 10-ի եռակողմ համաձայնագրի 9-րդ կետով. «Սա է մեր դիրքորոշումը»:
Հետևեք մեզ Viber-ում
