Սիրիացի քրդերը Թուրքիային սպառնացել են «մեծ պատերազմով»
Ռուսաստանը խոստացել է պաշտպանել Սիրիայի քուրդ աշխարհազորայիններին Թուրքիա ներխուժման դեպքում, այդ իսկ պատճառով Անկարայի նման քայլը կարող է հանգեցնել «մեծ պատերազմի»։ Այս մասին Bloomberg-ին տված հարցազրույցում հայտարարել է Մոսկվայում Սիրիական Քրդստանի ներկայացուցչության ղեկավար Ռոդի Օսմանը։ «Ռուսաստանը կարձագանքի ներխուժմանը։ Դա վերաբերում է ոչ միայն քրդերին, այն կպաշտպանի նաև Սիրիայի տարածքային ամբողջականությունը»,- հայտարարել է Օսմանը։ Ներկայացուցչության ղեկավարը նաև ասել է, որ Ռուսաստանի օդատիեզերական ուժերն աջակցություն են ցուցաբերում քուրդ աշխարհազորայիններին, որոնք հարձակում են իրականացնում Սիրիայի հյուսիսային Հալեպ նահանգում՝ թուրքական սահմանի ուղղությամբ։ Նա նշել է, որ հարձակումն ավելի արագ կզարգանար առանց Թուրքիայի կողմից հակազդեցության։
Հետևեք մեզ Viber-ում
