Ռոբերտ Քոչարյանը կգնա՞ Ազգային ժողով

Ռոբերտ Քոչարյանի գլխավորած Հայաստան դաշինքում խորհրդարանական ընտրություններից հետո ակտիվ քննարկումներ են ծավալվել՝ Քոչարյանի մանդատ վերցնել-չվերցնելու հարցի շուրջ: Մեծամասնության կարծիքով երկրորդ նախագահը անպայմանորեն պետք է մտնի խորհրդարան, դրանով ավելի ծանրակշիռ դարձնի դաշինքը, ազդակ հաղորդի, որ իշխանափոխության պայքարը դեռ ընթացքի մեջ է եւ Քոչարյանն անձամբ է դա իրականացնելու հանձնառություն առնում, մյուս մասն էլ հակադարձում է, թե իշխանական տգետ ու անդաստիարակ ուսապարկերը ինքնադրսեւորվելու լայն հնարավորություն կստանան եւ Քոչարյանի հաշվին կփորձեն կայանալ, իրենց ամեն սանձարձակություն կարող են թույլ տալ Ազգային ժողովում եւ ստեղծել ապակառուցողական մթնոլորտ: Սակայն, մեր տեղեկություններով, Քոչարյանը հակված է վերցնել մանդատը եւ ամենայն հավանականությամբ կգնա խորհրդարան: