Սամուել Սեւյանը՝ շախմատի Ամերիկայի չեմպիոն

Ամերիկահայ շախմատիստ, 16-ամյա Սամուել Սեւյանն առաջին տեղը զբաղեցրեց Կոլումբիայի Մեդյելին քաղաքում ավարտված Ամերիկայի շախմատի առաջնությունում՝ 11-րդ տուրում ոչ-ոքի խաղալով  պերուացի Խորխե Կորիի հետ: Այդպիսով, նա եւ եւս յոթ շախմատիստներ վաստակեցին 8,5-ական միավոր: Լրացուցիչ հաշվարկներով մրցաշարի հաղթող եւ Ամերիկայի չեմպիոն հռչակվեց Սամուել Սեւյանը: Ոսկե մեդալից բացի, նա նվաճեց նաեւ 2017թ աշխարհի գավաթի խաղարկության ուղեգիր, որը տեղի կունենա Թբիլիսիում: Բրազիլահայ գրոսմայստեր Գրիգոր Սեւակ Մխիթարյանը, 7 միավորով զբաղեցրեց 35-րդ տեղը: