Նիկոլ Փաշինյանը վաճառքի է հանել «պողպատ մանդատը»․ տարօրինակ առաջարկ Ռոբերտ Քոչարյանին

Նիկոլ Փաշինյանը Հանրապետության Հրապարակում տեղի ունեցած հանրահավաքի ժամանակ տոնել է հունիսի  20-ի ըտրությունների արդյունքերը։
«Մենք ասում էինք, որ ժողովրդի դեմ խաղ չկա, և ժողովուրդը ցույց տվեց, որ իր դեմ խաղ չկա»- հպարտությամբ ազդարարել է նա և թվարկելով նշել, որ ընտրությունների արդյունքում «Քաղաքացիական պայմանագիր» կուսակցությունը հաղթել է Սյունիքի, Վայոց Ձորի, Արարատի, Արմավիրի, Շիրակի, Արագածոտնի, Լոռվա, Տավուշի, Գեղարքունիքի մարզերումում, նույնիսկ Կոտայքի մարզում և մայրաքաղաք Երեւանում:
Փաշինյանն համոզված է, որ իր հաղթանակը, դա հենց ժողովրդի հաղթանակն է, որով ավարտվել է նոյեմբերի 9-ից Հայաստանում սկսված քաղաքական ճգնաժամը և իրենք վաղվանից վերադառնում ենք լիարժեք աշխատանքի:
Նա նաև կոչ է արել վերջ դնել հայհոյախոսությանը, քանի որ Հայաստանի և Արցախի պատմության մեջ նոր էջ է բացվում:
Նիկոլ Փաշինյանն ըստ էության նկատի է ունեցել պատմության այն էջը, որն սկսվել է նոյեմբերի 9-ից հետո՝ երբ ինքը ստորագրեց պատմական Արցախի 75 տոկոն հանձնելու ակտը՝ արձանագրելով հայ ժողովրդի ջախջախիչ պարտությունը։
Պատմության այն էջը, որի մասին խոսում է Նիկոլ Փաշինյանը, թաթախված է 5 հազար զոհերի և ավելի քան 11 հազար վիրավորների արյամբ, ադրբեջանական բանտերում պահվող գերիների տառապանքով ու անհետ կորածների արդեն անհույս փնտրտուքով։
«Ժողովուրդն իրականացրել է պողպատե հեղափոխություն և մեզ տվել է օրենքի դիկտատուրա հաստատելու իրավունք»,- նշել է Նիկոլ Փաշինյանը։ Նա թերևս հաշվի չի առել մի պարզ իրողություն՝ այդ մանդատը նրան տրված էր շատ ավելի վաղ, դեռ 2018-ին։
«Վաղը առավոտից քաղաքական խորհրդակցություններ եմ սկսում խորհրդարանական ընտրություններին մասնակցած այն ուժերի հետ, որոնք երկխոսելու, քննարկելու հակվածություն ունեն: Եվ ես նաև հույս ունեմ, որ ժողովուրդն այս մանդատը տալիս է ինձ, որովհետև, մենք պիտի մեր երկրի և ժողովրդի պատմության այս փուլում գնանք մեր մշակութային, գիտական, տնտեսական, բիզնես, հանրային և քաղաքական լավագույն ներուժի համախմբմանը և մեր ժողովրդի, Հայաստանի և Արցախի անվտանգությանը և բարեկեցությանը ծառայեցնելու»,-նշել է Փաշինյանը և ավելացրել, որ երկխոսության կոչը նաև բոլոր այն կառույցներին, սեգմենտներին է վերաբերում, որոնց հետ այս ընթացքում իրենք բանավեճ և հակադրություն են ունեցել: «Մենք պարզում ենք ձեզ համախմբման մեր ձեռքը»,-նշել է Փաշինյանը և խոստովանել, որ ինքը ևս տուրք է տվել արգրեսային և ատելության խոսքին, որին անհապաղ պետք է վերջ դնել։
Դա Նիկոլ Փաշինյանի կողմից քաղաքական հայտնի շրջանկներին արված առաջին առաջարկն է, կա նաև երկրորդը, որը շատ ավելի ինտրիգային է։

Նիկոլ Փաշինյանը կոչ է արել՝ անհապաղ սկսել բանակցություններ` «գողացածը» վերադարձնելու համար, որը կծառայի ՀՀ սոցիալ-տնտեսական օրակարգին:
«Կոչ եմ անում սկսել բանակցություններ գողացվածը վերադաձնելու վերաբերյալ, որը կծառայի ՀՀ սոցիալ-տնտեսական օրակարգի սպասարկմանը։ Կոչ եմ անում բոլոր այդ մարդկանց չկորցնել հնարավորությունը և չհասնել նրան, որ պետական թափանիվները սկսեն գործել» ,- հայտարարել է  Փաշինյանը՝ ավելացնելով, թե  վաղվանից քաղաքական խոսակցություններ է սկսելու այն ուժերի հետ, որոնք երկխոսելու հակվածություն ունեն: 
«Ես կոչով դիմում եմ նաև մեր երկրի հոգևոր առաջնորդներին, որովհետև հավատում եմ, որ այն, ինչ տեղի ունեցավ երեկ խորհրդարանական ընտրություններում՝ ես դեռ իմ նախընտրական հանդիպումներից մեկում էի ասել, «ձայն բազմաց՝ ձայն Աստծո», և Աստծո ձայնին առավել ևս որևէ հոգևոր սպասավոր հակադրվելու իրավունք չունի: Մենք պետք է նորոգենք հոգեւոր կյանքը նույնպես»,- հայտարարել է Նիկոլ Փաշինյանը։
Փաստորեն, Նիկոլ Փաշինյանը համագործակցելու յուրօրինակ առաջարկություն է արել Ռոբերտ Քոչարյանին և Սերժ Սարգսյանին՝ հաշվի առնելով, որ փաստացի նրանք են խորհրդարան անցած մյուս երկու քաղաքական դաշինքների ղեկավարներն են։
Այսինքն՝ Փաշինյանը նրանց առաջարկում է մուծվել, բայց թե ինչի դիմաց, թերևս հրապարակման ենթակա չէ։
Սա առնվազն նշանակում է, որ նա պողպատե մանդատը վաճառի է հանել՝ «նաղդ փողով», որովհետև, հավանաբար, գիտակցում է, որ առանց ֆինանսական միջոցների, այդ պողպատե մանդատը ջարդվելու է իր գլխին։

Հատկանշական մի փաստ ևս․ Փաշինյանի պողպատե մանդատը նշվել է ոչ միայն Հայաստանի կենտրոնական հրապարակում, այլ նաև թուրք-ադրբեջանական ակտիվ հանրային-քաղաքական շրջանակներում։

Հայկ Դավթյան