Արդարադատության նախարարին հանձնարարեց

  «2017 թվականի հունիսին կառավարությունը ներդրել է էլեկտրոնային ժողովրդավարության նոր գործիք, իրավական ակտերի նախագծերի քննարկման միասնական e-draft.am հարթակը»,-ՀՀ վարչապետ Կարեն Կարապետյանն այսօր կառավարության հերթական նիստին ՀՀ էլեկտրոնային ժողովրդավարության նպատակով գործարկված կայքի արդյունավետության ապահովման վերաբերյալ հանձնարարական տվեց: «Նշված հարթակը թույլէ տալիս քաղաքացիական հասարակությանը և գործարար ոլորտի ներկայացուցիչներին ակտիվորեն մասնակցել կառավարության օրենսդրական նախաձեռնությունների առաջարկներին, ներկայացնել առաջակություններ և դիտողություններ: Արդյունքում ապահովում է հանրային քննարկումներ իրականացնելու և հասակարության հետ հետադարձ կապի ապահոման մեր կողմից սահմանված պահանջները: Իրականացված ուսումնասիրությունների համաձայն ոչ բոլոր գերատեսչություններն են ապահովում իրավական ակտերի նախագծերի նշյալ հարթակում պատշաճ կերպով տեղադրելու, ներկայացված առաջարկություններին արձագանքելու և համապատասխան տեղեկանքը ՀՀ կառավարություն ներկայացնելու պահանջը»,-ասաց նա: Վարչապետը հանրապետական գործադիր մարմինների ղեկավարներին հանձնարարեց խստորեն հետևել հանրային քննարկմանը ենթակա օրենքների և կառավարության որոշումների նախագծերի կայքում պատշաճ կերպով տեղադված լինելու, ինչպես նաև կայքի միջոցով տրամադրված փաստաթղթերը կառավարության աշխատակազմ ներկայանցելու պարտադիր պահանջի ապահովմանը: Կարեն Կարապետյանը արդարադատության նախարարին հանձնարարեց մեկ ամսյա ժամկետում իրականացնել լայնածավալ լուսաբանման աշխատանքներ, որպեսզի կայքի հնարավորությունների մասին իրազեկվի հասարակությանը, քաղաքացիական հասարկությանը,վերահսկողություն իրականացնել և ընթացքի մասին տեղեկացնել: