Նիկոլ Փաշինյանի «կտերը» հօդս ցնդեցին
Սյունիքի մարզի իրադարձությունները հօդս ցնդեցրեցին «Ռուսաստանի հետ անվտանգության նոր համակարգ կառուցելու» եւ «Սյունիքի սահմանագիծը Հավաքական անվտանգության պայմանագրի սահմանագծին համապատասխանեցնելու» վերաբերյալ Հայաստանի իշխանության հայտարարությունները։
Պատերազմից հետո, հատկապես վերջին ամիսներին Նիկոլ Փաշինյանը հաճախակի է հայտարարում, որ Հայաստանին այլեւս վտանգ չի սպառնում, մեր սահմանային անվտանգությունը երաշխավորված է Ռուսաստանի հետ դաշնակցային հարաբերություններով: Փաշինյանը փափուկ բարձ է դնում ժողովրդի գլխի տակ ու հակադրվում ընդդիմությանը, որն առավոտից երեկո հայտարարում է, թե քանի այս իշխանություն է Հայաստանում պաշտոնավարում, մեր անվտանգությունը վտանգված է, քանի որ Նիկոլ Փաշինյանը մինչեւ պատերազմը փչացրել է բոլորի հետ հարաբերությունները, իսկ պատերազմից հետո որեւէ պետություն պարտված ղեկավարության հետ հաշվի չի նստում, ճիշտ հակառակը՝ փորձում է նրա տկար վիճակից իր համար օգուտներ քաղել: Եւ, ահա, սյունիքի միջադեպն ասվածի վառ ապացույցն է: Տակավին ապրիլ ամսին Նիկոլ Փաշինյանը հայտարարում էր «Մեր երկրի անվտանգության համակարգը հիմնված է հայ-ռուսական ռազմավարական և ռազմաքաղաքական դաշինքի վրա: Զուտ անվտանգային նկատառումներով մենք Ռուսասատանի հետ ունենք միացյալ զորախումբ և Կովկասյան տարածաշրջանում միասնական ՀՕՊ: Այդ պայմանագրերի տրամաբանությունն այն է, որ հարձակումը ՀՀ-ի վրա նշանակում է հարձակում Ռուսասատնի Դաշնության վրա>>:
Նաեւ գլուխ էր գովում, թե ռուսական 102 ռազմաբազայի երկու հենակետ են դրել Սյունիքում, որի շնորհիվ տարածքն ավելի անվտանգ կդառնա:
Բայց ինչպես տեսանք՝ այդ ռազմավարական դաշնակցությունը, կամ ռուսական զորքի ներկայությունն անգամ անվտանգություն չերաշխավորեց Սյունիքում, թե ինչու, դա բզամաշերտ հարց է եւ իրավիճակը նախ համակողմանի քննության է պետք է ենթարկել,միգուցե ամենավերջում պարզվի, որ Նիկոլ Փաշինյանն է գաղտնի պայմանավորվածությամբ որոշել զիջել Սեւ լճի տարածքը:
Բոլոր պարագաներում վերջին դեպքերը ցույց տվեցն, որ Նիկոլ Փաշինյանն , իսկապես, արժանի է, վաստակել է սյունյաց ողջունների եւ ինչպես ինքն է պնդում՝ դա մի խմբակի կազմակերպած , կամ նախկինների կողմից հրահրված ակցիա չէր: Իսկապես, վտանգված է Սյունիքի, հետեւաբար Հայաստանի անվտանգությունը,, իսկ Նիկոլ Փաշինյանն ու իր խունտան անկարող են դա երաշխավորել:
Անի Սահակյան
Հետևեք մեզ Viber-ում
