Թուրքերը Արմեն Սարգսյանի միջոցով երկրորդ հեղափոխությունը կանեն
Արցախյան վերջին պատերազմից հետո ակտիվ գործողությունների թատերաբեմը տեղափոխվել է Սյունիք: Ընտրությունների նախաշեմին Նիկոլ Փաշինյանի համար Սյունիքն ամենակարևոր բաստիոնն է, որ նա պետք է ամեն գնով փորձի վերցնել: Քանզի Սյունիքը նաև Իլհամ Ալիևի երազանքն ու նպատակն է, եւ Փաշինյանի Սյունիք կատարած այցից օրեր առաջ նա հայտարարեց, որ «եթե Հայաստանը չցանկանա Զանգեզուրի միջանցք ստեղծել, մենք դա կանենք ուժով»: Ասել էր նաեւ, թե՝ «նրանք պիտի կամովին հեռանան մեր հողերից, ադրբեջանցիները 101 տարի անց վերջապես կվերադառնան...»: Շարունակությունը մեջբերելու կարիք չկա՝ ամեն ինչ պարզ է:
Ուշագրավ է, որ Սյունիք կատարած այցի օրերին այտեղ էին գտնվում նաեւ
ՀՀ նախագահ Արմեն Սարգսյանը՝ ՄԻՊ Արման Թաթոյանի հետ համատեղ: Թերեւս Սարգսյանն ավելի խորամանկ գտնվեց Փաշինյանից եւ Թաթոյանի հետ Սյունիք այցով իրեն ապահովագրեց այն հեռանկարից, ինչ տեղի ունեցավ Նիկոլ Փաշինյանիհետ: Գաղտնիք չէ, որ Հայաստանում միակ աշխատող կառույցը ՄԻՊ-ն է՝ ի դեմս Թաթոյանի եւ չի բացառվում, որ ՀՀ նախագահը նաեւ նրա աշխատանքին փայ մտնելու նպատակ է հետապնդել: Ի դեպ, վերջիններիս այցից կարելի է առանձնացնել հատկապես այն դրվագը, որ Սարգսյանը եղել է դիրքերում, համաձայն նախագահականի տարածած լուսանկարների՝ ընդամենը մի քանի մետրի վրա երևում է թշնամու դրոշը: Գուցե սա մեսիջ է, թե այս հարևանությունից պետք չէ վախենա՞լ…
Եւ վերջապես երրորդ ոչ պատահականությունն այն է, որ նույն օրերին Սյունիքում էր գտնվում նաև ՀՀ-ում ԱՄՆ դեսպան Լին Թրեյսին: Մամուլի տեղեկություններով՝ Փաշինյանն ու դեսպանը նույն հյուրանոցում են գիշերել եւ երկար զրուցել են : Կկասկած չկա, որ Մեղրիի հարցն օրակարգում է եւ սորոսաբրիտանական կլանը հայաստանյան ներկայացուցչության, ի մասնավորի Փաշինյան-Արմեն Սարգսյան տանդեմի փորձում է կյանքի կոչել Մեղրիի ծրագիրը:
Թե ինչ դերակատարում է ստանձնել նախագահ Սարգսյանը պատերազմից առաջ, պատերազմից հետո եւ հատկապես՝ ընթացքում՝ թույլ տալով հայկական զինուժը ավերիչ հարվածներ հասցնի ադրբեջանական նավթամուղին, քանի որ ինքն այստեղ փայատեր է հայտնի ընկերությունում, կարծում ենք՝ հիշեցնելու կարիք չկա: Նա եղել եւ պատերազմից հետո էլ շարունակում է մնալ Նիկոլ Փաշինյանի դաշնակից-հանցակիցը՝ թեեւ պատերազմից հետո ձեւական պահանջեց նրա հրաժարականը: Ըստ էության սորոսաբրիտանական թուրքական շահերի ջատագով կենտրոնի համար Արմեն Սարգսյանն է դիրատկվում Փաշինյանին այլընտրանք, որը կշարունակի կիսատ գործը: Սրանով է պայմանավորված նաեւ, որ սորոսականների դառիկան թեւը՝ ի դեմս Սասնա Ծռերի Արմեն Սարգսյանին չեն թիրախավորում եւ ակնհայտ է հատուկ խնայողական վերաբերմունքը: Սակայն վերջին շրջանում ի հայտ է եկել նաեւ նոր թեկնածու՝ ի դեմս ԼՀԿ ղեկավար Էդմոն Մարուքյանի, ով սերտորեն համագործակցում է այս կենտրոնի հետ եւ դրա ապացույցն է նաեւ նախագահի հետ հարաբերությունների ջերմացումը: Եթե այսպես շարունակվի եւ Նիկոլ Փաշինյանը չկարողանա իրագործել իր դրսի տերերի պատվերը, ապա խաղը կփոխվի եւ խաղադաշտ մտցնեն նոր խաղացող, որպեսզի Հայաստանում իրագործեն կիսատ ծրագրերը՝ Մեղրիից սկսած, վերջացրած Սյունիքի հանձնում:
Անի Սահակյան
Հետևեք մեզ Viber-ում
