Արյան վաճառականի գրոհը
Դատական իշխանությունը զավթելու Նիկոլ Փաշինյանի մարմաջը պատերազմից հետո էլ հանգիստ չի տալիս նրան: Փաշինյանի երազանքը կատավելու շեմին է, երեկ կասեցվեց ԲԴԽ նախագահ Ռուբեն Վարդազարյանի լիազորությունները եւ ըստ օրենքի նախագահի պարտականությունները կստաձնի տարքով ավագ դատավորը, որը Փաշինյանի սրտի դատավոր սկանդալային Գագիկ Ջհանգիրյանն է: Ռուբեն Վարդազարյանն իշխանության կոկորդում հայտնվեց հատկապես պատերազմից հետո ընդդիմադիր գործիչների նկատմամբ հետապնդումների շրջանում արված իր աղմկոտ հայտարարության համար, որով ըստ էության սթափության կոչ էր անում դատավորներին եւ հորդորում չտրվել իշխանական ճնշումներին, քանզի պատեհ պահն է ապացուցելու վնգստացող դատավորներ են, թե ոչ:
Հայտարարությունից ամիսներ հետո Իմ Քայլը խորհրդարանում ինկվիզիցիայի ենթարկեց Վարդազարյանին՝ հորդորելով նրան դիմումը գրել, հեռանալ: Նիկոլ Փաշինյանին պետք են միայն վնգստացող դատավորներ, որոնք աներկբա եւ անվարան կկատարեն Արցախը թուրքին հանձնած եւ Հայաստանը փոշիացնող իշխանության հրահանգները: Վարդազարյանը չվախեցավ այդ ճնշումներից եւ շարունակեց իր աշխատանքը, սակայն իշխանությունը եւս ձեռքերը ծալած չնստեց, եւ երեկ պարզվեց, որ Վարդազարյանին մեղադրանք է առաջադրվել:
Ըստ տեղեկությունների՝ ԲԴԽ նախագահ Ռուբեն Վարդազարյանի դեմ հաղորդում է ներկայացրել նախկին դատավոր Անդրանիկ Սիմոնյանը, որը մի քանի օրով նշանակվեց Քննչական կոմիտեի նախագահի տեղակալ, ապա ԱԱԾ տնօրենի տեղակալ։ Փաստորեն օրենքի խախտմամբ ԱԱԾ տնօրենի տեղակալ նշանակվելու գինը եղել է Սիմոնյանի կողմից Վարդազարյանի դեմ ցուցմունքը։
Անդրանիկ Սիմոնյանը ըստ Փաստինֆոյի՝ «հիշել է», թե Վարդազարյանը նախկինում իրեն զանգել է ու իր վարույթում գտնվող գործերից մեկով հանձնարարություններ տվել՝ ասելով- թե վիճահարույց գործ է, այնպես արա, որ պրոբլեմի մեջ չընկնենք։
Նախկին դատավորի այս հաղորդումն էլ դարձել է քրեական գործի հիմք, որպեսզի Վարդազարյանը զրկվի ԲԴԽ նախագահի պաշտոնից եւ ճանապարհ բացի բոլորովին վերջերս ԲԴԽ գործուղված Գագիկ Ջհանգիրյանի ամենաթողությունների առջեւ: Նախկին զինդատախազի տխրահռչակ անցյալի մասին կարծում ենք՝ հիշեցնելու կարիք չէ, սակայն մի նրբերանգ՝ այս մարդու անցած ճանապարհը ցույց է տալիս, որ նա պատրաստ է արյան վրայով, կամ արյան գնով հասնել իր ուզածին: Հոկտեմբերի 27-ից հետո Վազգեն Սարգսյանի հայրենակիցը նրա արյան վաճառականների ցուցակում էր՝ Անդրանիկ Քոչարյանի եւ մյուսների հետ հետ դիմել էր Ռոբերտ Քոչարյանին՝ լռության դիմաց պաշտոնի բարձրացման ակնկալիքով:
Նիկոլ Փաշինյանը, ըստ էության, արյան վաճառականների կոլեկցիոներ է: Դիցուք ավելորդ է խոսել Արամ Սարգսյանի մասին, ում պահվածքն ու քաղաքական-քաղաքացիական դիրքորոշումներ պատճառով վստահ ենք, որ սպարապետն այնքան է շուռումուռ եկել գերեզմանում, որ արդեն անհարմար ենք համարում մեկ անգամ էլ խոսել եղբոր մասին:
Արձանագրենք միայն, որ Նիկոլ Փաշինյանի հույսը արյան վաճառականներն են: Ուշագրավ է, որ այս մարդը դասեր չի քաղում անգամ իր սխալներից: Երկուսուկես տարի շարունակ սահմանադրական դատարանի նկատմամբ անմարդկային ճնշումներից հետո մենք տեսանք, որ Բարձր դատարանը մնաց իր բարձունքում եւ ի վերջո հաղթեց արդարությունը:
Հիմա Փաշինյանը ընտրություններից առաջ փորձում է ամբողջությամբ իր ձեռքը վերցնել դատարաները, նախընտրական թատրոններ բեմադրել, մի քանիսին կալանավորել, մյուսներին ունեզրկել, որպեսզի հնարավոր լինի պողոսների միջոցով վերարտադրել իշխանությունը Իսկ ընդդիմություն կոչվող իմպոտենտների զանգվածը թող շարունակի իր սահմանադրական ճանապարհը եւ այդ ճանապարհով Փաշինյանի դեմ պայքարը:
Անի Սահակյան
Հետևեք մեզ Viber-ում
