CNN-ը խզել է պայմանագիրը Թրամփին քննադատած հաղորդավարի հետ

«CNN» հեռուստաընկերությունն աշխատանքից հեռացրել է Ռեզ Ասլանին, ով ԱՄՆ նախագահ Դոնալդ Թրամփին Ամերիկայի խայտառակությունն էր անվանել: Այս մասին գրում է Gazeta.ru-ն՝ հղում տալով «New York Times»-ին: Հեռուստաընկերության կողմից տարածած հաղորդագրության մեջ նշվում է, որ իրենք որոշել են այլևս չերկարաձգել պայմանագիրը Ասլանի հետ: Հաղորդավարը քննադատությունների թիրախում էր հայտնվել, երբ թվիթերյան իր միկրոբլոգում առանց ցենզուրայի արտահայտություն էր արել Թրամփի հասցեին՝ քննադատելով լոնդոնյան ահաբեկչության վերաբերյալ նախագահի արձագանքը: Ավելի վաղ «CNN»-ի հաղորդավարուհին՝ երգիծաբան Քեթի Ֆրիֆինը, ավանդական ամանորյա շոուի ժամանակ հեռացվել էր աշխատանքից ԱՄՆ նախագահ Դոնալդ Թրամփի արյունոտ դիմակի լուսանկարի պատճառով: Հեռուստաընկերության ղեկավարությունը լուսանկարը վիրավորական և զզվելի էր համարել: