Ով որտեղ է առաջադրվել. մանրամասնում է Շարմազանովը
ՀՀԿ-ն առաջադրել է Ազգային ժողովի պատվիրակությունների թեկնածուներին: Այս մասին այսօր՝ հունիսի 8-ին, Հայաստանի Հանրապետական կուսակցության Գործադիր մարմնի նիստից հետո ասաց ԱԺ փոխնախագահ, ՀՀԿ խոսնակ Էդուարդ Շարմազանովը:Նա նշել է, թե ԳՄ նիստում քննարկել են ներկուսակցական ներքաղաքական խնդիրներ, քննարկումներ են ծավալվել արտաքին քաղաքականության հարցերի հետ։ԱՊՀ խորհրդարանական վեհաժողովի հայկական պատվիրակության ղեկավարի պաշտոնում առաջարկվել է Արա Բաբլոյանի, ՀԱՊԿ խորհրդարանական վեհաժողովի պատվիրակության ղեկավարի պաշտոնում՝ Էդուարդ Շարմազանովի, ԵԽԽՎ պատվիրակության ղեկավար՝ Արփինե Հովհաննիսյանի, ԵԱՀԿ պատվիրակության ղեկավար՝ Հերմինե Նաղդալյանի, Հայաստան-Եվրամիություն և Եվրանեսթի պատվիրակության ղեկավարի՝ Արմեն Աշոտյանի, ՆԱՏՕ-ի պատվիրակության ղեկավար՝ Կորյուն Նահապետյանի, Ուղղափառության՝ Արտաշես Գեղամյանի, Սևծովյան խորհրդարանական վեհաժողով՝ Գագիկ Մինասյանի, Ֆրանկոֆոնիայի խորհրդարանական վեհաժողով՝ Մարգարիտ Եսայան և Միջխորհրդարանական միությունում նորից ի պաշտոնե առաջադրվել է Արա Բաբլոյանի թեկնածությունները: Եվրոպայի Խորհրդի խորհրդարանական վեհաժողովում Հայաստանի պատվիրակությունը ղեկավարելու է ԱԺ փոխնախագահ Արփինե Հովհաննիսյանը։
Հետևեք մեզ Viber-ում
