Բրիտանական Լեսթերի համալսարանի Միջազգային հարաբերությունների բաժնի գիտաշխատող Էդուարդ Աբրահամյանը Aravot.am-ում հրապարակել է ԱՄՆ նախագահի անվտանգության հարցերով նախկին խորհրդական Զբիգնև Բժեզինսկու հետ զրույցից մի շարք հատվածներ: Աբրահամյանը նշել է, որ Բժեզինկսուն հանդիպել է «Ռամսֆելդ Ֆելոուշիփ»-ի շրջանակներում ս.թ. մայիսի 4-ին: Հիշեցնենք, որ ականավոր քաղաքագետը մահացել է մայիսի 26-ին:Բժեզինսկին նշել է, որ Ռուսաստանի հանդեպ ԱՄՆ դիրքորոշումը ավելի կսաստկանա, բայց պահպանելով առերեւույթ դեկլարատիվ ցանկություն՝ նորմալացնել հարաբերությունները։«Դուք տասը-տասնհինգ տարի անց չեք ճանաչելու Ռուսաստանը։ Այն տասը-տասնհինգ տարի անց կլինի իր խնդիրների մեջ մխրճված մի մեծ պետություն՝ առանց որեւէ հետաքրքրության զբաղվելու արտաքին քաղաքական, առավել եւս՝ ինտեգրացիոն ծրագրերով Եվրասիայում։ Մեր խնդիրն է, որպեսզի Մոսկվան զբաղված լինի սեփական տարածքում առաջացած խնդիրների լուծմամբ», - Բժեզինկսու խոսքը մեջ է բերում Աբրահամյանը:Զբիգնև Բժեզինսկին Հայաստանի վերաբերյալ ասել է, որ այն միակ պետությունն է, որը նվիրված պաշտպանում է Ռուսաստանի ռևիզիոնիստական քաղաքականությունը՝ հաճախ իր շահերին հակառակ: Նրա խոսքով, Հայաստանը չի գիտակցում իր այդ դիրքորոշման հետևանքները:
ԱՄՆ-Հայաստան հարաբերությունների վերաբերյալ քաղաքագետը նշել է, որ «հիմա ԱՄՆ-ին Հայաստանը պետք է ներկայանա ոչ թե որպես մի երկիր, որն ունի ահռելի քանակությամբ խնդիրներ, այլ այնպես, թե ինչ օգուտ կարող է ԱՄՆ-ն ունենալ Հայաստանի հետ հարաբերություններում։ Այլ կերպ ասած՝ Հայաստանը պետք է լինի նախաձեռնող եւ առաջարկներով հանդես գա, այլ ոչ թե սպասի ԱՄՆ առաջարկներին։ Նման առաջարկներ Վաշինգտոնից էլ չեն լինելու»:
Ղարաբաղյան հակամարտության վերաբերյալ Բժեզինսկին նշել է, որ այն արագ չի կարգավորվի, քանի որ Ռուսաստանի դիրքերը տարածաշրջանում ուժեղ են: Դիմակայությունն իր օգտին լուծել Հայաստանի փորձերը կբախվեն Ռուսաստանի դիմադրությանը: «Տարածաշրջանում վերջնական գերակայության հասնելու համար Մոսկվային պետք է Ադրբեջանը եւ ոչ թե Հայաստանը», նշել է նա։«Ռուսաստանը նույնիսկ իր անկման ընթացքում դեռ վտանգ կներկայացնի ձեր պետությունների համար, եւ այդ թվում՝ Հայաստանի։ Ռազմաբազան նույնիսկ մեկ ակնթարթում կդառնա սպառնալիք, որին պիտի պատրաստ լինել։ Այն Թուրքիայից պաշտպանվելու համար չէ տեղակայված։ Թուրքիայից Հայաստանի նկատմամբ վտանգ չկա, քանզի այն ամբողջությամբ վերահսկվել, վերահսկվում եւ վերահսկվելու է ԱՄՆ-ի կողմից, հատկապես՝ Հայաստանի հանդեպ ոտնձգությունների պարագայում, եւ դա բազմիցս ապացուցվել է հայաստանյան նախկին ու ներկա իշխանություններին», նշել է Բժեզինսկին:
Մայիսի 13-ին՝ ժամը 13։00-ին, Հայելի ակումբի հյուրն է Երևանի Արաբկիր համայնքի նախկին ղեկավար Հովհաննես Շահինյանը
Մայիսի 13-ին՝ ժամը 15։00-ին, Հայելի ակումբի հյուրն է մուլտիպլիկատոր Դավիթ Սահակյանցը
Մայիսի 13-ին՝ ժամը 11։00-ին, Հայելի ակումբի հյուրն է Հայաստանի դեմոկրատական կուսակցության նախագահ Արամ Գասպարի Սարգսյանը
Մայիսի 13-ին՝ ժամը 15։30-ին, Հայելի ակումբի հյուրն է վաստակավոր ուսուցչուհի Գյուլնարա Ալեքսանյանը
Մայիսի 12-ին՝ ժամը 15։00-ին, Հայելի ակումբի հյուրն է Ալբերտ Բազեյանը
Մայիսի 12-ին՝ ժամը 13։30-ին, Հայելի ակումբի հյուրն է Երվանդ Բոզոյանը
Մայիսի 12-ին՝ ժամը 12։30-ին, Հայելի ակումբի հյուրն է Ռուզաննա Ստեփանյան
Մայիսի 12-ին՝ ժամը 11։00-ին, Հայելի ակումբի հյուրն է Վոլոդյա Հովհաննիսյանը
Մայիսի 11-ին՝ ժամը 15։00-ին, Հայելի ակումբի հյուրն է Աննա Այվազյանը
Մայիսի 11-ին՝ ժամը 16։00-ին, Հայելի ակումբի հյուրն է Սուրեն Սուրենյանցը
Հետևեք մեզ Viber-ում
