Ի՞նչ «կրակ» կա Կարմիր շուկայի շուրջ լուրերի «ծխի» տակ. Նիկոլ Փաշինը նոր հանձնումների հո՞ղ է պատրաստում

Ընդամենը մի քանի օր առաջ, զանազան ջղակծկումներից հյուծված հայրենի լրատվադաշտում ու սոցհարթակներում մի պահ տարածվեց Արցախի հատնի Կարմիր Շուկան, ավելի ճիշտ՝ այնտեղով անցնող ճանապարհը ևս թուրքերին (ադրբեջանցիներին) հանձնել-չհանձնելու մասին խոսակցությունների «ծուխը»:

Բուն «ծուխը», հիշեցնեմ, հետևյալն էր, թե Արցախի «նիկոլը»՝ Ստեփանակերտի կառավարիչ Արայիկ Հարությունյանը, ռուսական խաղաղապահների ղեկավար գեներալ Մուրադովի ու Երևանի ԱԱԾ-ի ինչ-որ խորհրդավոր կերպարի ուղեկցությամբ, գնացել են Արցախի ՊԲ հրամանատար Միքայել Արզումանյանի մոտ, որպեսզի նրան պարտադրեն, որ Կարմիր Շուկայի ճանապարհի վերահսկողությունը դադարեցվի: Պարզ ասած, որ Արցախի ՊԲ ստորաբաժանումները թողնեն Կարմիր Շուկայի ճանապարհը, այն հանձնեն ադրբեջանական կողմին՝ ռուսական խաղաղապահների «կոսմետիկ» հսկողության ներքո:

Եղե՞լ է առհասարակ հանդիպում, չի՞ եղել: Անհայտ է: Եթե եղել է, ապա իսկապե՞ս դա է եղել խոսակցության առարկան, էլի անհայտ է:

Հայտնի է միայն, որ հիշյալ լրահոսային «ծխի» տարածումից հետո, մարտի 13-ին Արցախի «նիկոլը», թե՛ անձամբ, թե՛ իր մամուլի խոսնակի միջոցով սկսեցին հերքել, թե նման բան կա: Մի հերքում էլ Արցախի բեկորների ՊԲ-ն տարածեց, թե այդ տեղեկություններն իրականությանը չեն համապատասխանում:

Դե, գիտենք այդ «հերքումների» իրական արժեքն ու կշիռը: «Տարօրինակ պատերազմի» ընթացքում էլ էին շատ բաներ հերքում կամ հակառակը՝ հայտարարում: Օրինակ, նույն Արցախի «նիկոլի» կողմից հայտարարվում էր, թե Գյանջայի ռազմական օդանավակայանը հօդս է ցնդեցվել, բայց վերջը պարզվեց, որ ընդամենը... «ֆոտոշոփով»: Հայտարարում էին, թե Հադրութում մարտեր են, պարզվեց՝ արդեն հանձնել էին, հայտարարում էին, թե Շուշիում մարտեր են, պարզվեց՝ Շուշին դեռ կապիտուլյացիոն հայտարարությունից մի քանի օր առաջ էր թուրքերի վերահսկողության տակ անցել:

Կարճ ասած՝ այս անձինք ու կառույցները երբ ինչ-որ մտահոգիչ լուր հերքում են, ապա սկսում ես շատ ավելի շատ անհանգստանալ, որովհետև հասկանում ես, թե քանի՞ գրոշ արժեն նրանց «հերքումները»:

Այնուհանդերձ, ի՞նչ «կրակ» կա Կարմիր Շուկայի ճանապարհը ևս թուրքերին հանձնել-չհանձնելու լրատվադաշտում տարածված «ծխերի» տակ:

Խնդիրն այն է, որ այդ ճանապարհը կարևոր նշանակություն ունի: Թշնամու՝ ադրբեջանական կողմի համար այն կարևոր է, որովհետև նախ՝ դեպի Շուշի ազատ գնան-գան, բացի այդ՝ վերահսկողություն սահմանեն դեպի Մարտունի տանող նույն այդ ճանապարհի վրա, այսինքն՝ հնարավորինս բարդացնեն հայերի անցուդարձը դեպի Մարտունի, այն, այսպես ասած, մի երակով էլ կտրեն Ստեփանակերտից:

Մոտավորապես, նման հեռանկարը կարելի է համեմատել այն դժոխքի հետ, որ, օրինակ նիկոլ փաշինը՝ իր ալիևի հետ, հավեսով սարքել են Սյունիքի հայության գլխին՝ Գորիս-Կապան կամ հակառակ ուղղությամբ երթևեկող հայությանը, փաստորեն, պարտադրելով, որ ճանապարհի մի մասն անցնեն «ադրբեջանական» տարածքով, այսինքն՝ զինված թուրքերի ուղիղ նշանառության, ճանապարհին ֆիզիկական ներկայության և նրանց կողմից առևանգվելու, խոշտանգվելու կամ սպանվելու իրական սպառնալիքի պայմաններում:

Վերադառնանք Կարմիր Շուկայի շուրջ տարածված ու՝ Արցախի բեկորների ներկայացուցիչների կողմից պաշտոնապես հերքված խոսակցություններին: Հասկանալի է, իհարկե, որ Ստեփանակերտի կառավարիչ Արայիկ Հարությունյանը չի որոշում: Նա ընդամենը Երևանի նիկոլի Ստեփանակերտի «կլոնն» է:

Իսկ Երևանի թրքահպատակ նիկոլը, ինչպես հայտնի է, միանգամայն հլու-հնազանդ կատարում է ալիևի և էրդողանի հրահանգները, սպասարկում է նրանց շահերը: Այնպես որ, անկախ այն բանից, թե ով ինչ է հերքում կամ հաստատում, այնքան էլ անհավանական բան չէ, որ նիկոլ փաշինը կարող էր համաձայնել նաև նշված ճանապարհահատվածը հանձնել հայերիս թշնամուն:

Մեծ հաշվով, այդքանը հանձնել է, մի ճանապարհն ի՞նչ է, որ չհանձնի: Ի՞նչ իմանաս, թե ի՞նչ ազգության են այն դիպուկահարները, որոնց նիկոլ փաշինը շարում է պետական շենքերի տանիքներին, երևացող տեղերում, ըստ էության ասելով, որ պատրաստ է կրակել հայ ժողովրդի վրա: Նման լուր էլ եղավ, չէ՞, որ «ռազմական հեղաշրջման փորձից» լեղապատառ նիկոլի թուրքական ռազմական հատուկջոկատայինններն աջակցություն են խոստացել: Դա էլ, ասացին՝ «իրականությանը» չի համապատասխանում: Բայց մի իրավիճակում, երբ մեր ամբողջ իրականությունը ոչ մի բանի չի համապատասխանում, ես, օրինակ, վստահ չեմ, որ դիպուկահար զենքով ՀՀ ԱԳՆ շենքի տանիքին կամ ԱԺ ֆասադային պատուհանից պիժոնություն անողները հենց թուրքական բանակի թուրք ներկայացուցիչներ չեն:

7or.am

դիտվել է 1850 անգամ
Լրահոս
Ձեր օրինակով ցույց տվեցիք մեր հասարակության անորակությունն ու անողնաշարությունը. Դեմոյան Հարմար պահի Ադրբեջանը կարող է ուժային եղանակով «ապահովել» Հայաստանի հանձն առած այդ պարտավորությունը Թուրքիան կարող է հայտնվել անկառավարելի հրդեհների բովում. մասնագետներ Զուրաբյանը Փաշինյանի հայտարարության առնչությամբ հաղորդում է ներկայացրել հանցագործության մասին Երևան-Մեղրի ավտոճանապարհին ավտովթար է տեղի ունեցել, կան զոհեր Պայթյուն է տեղի ունեցել Գեղարքունիքում․ հայրը և որդին հոսպիտալացվել են, զոհ կա Իսրայելը ուժեղացրել է Գազա քաղաքի ռմբակոծությունը «Մեր ձևով» շարժման մեկնարկը․ խոստումներից դեպի իրական գործողություններ Между Францией и Италией вспыхнул дипломатический скандал Փաշինյանի բացահայտ ավտորիտարիզմը, այն արձանագրում է վտանգների մասին․ քաղաքագետ Թուրքիան պատրաստ է պատասխանատվություն ստանձնել Ուկրաինայի հարցով խաղաղության գործընթացում․ Ֆիդան Հիվանդ տեղափոխող շտապօգնության մեքենան վթարի է ենթարկվել, վիրավորներ կան․ վարորդը սթափ չէր Ոչ ոք չի կարող զրկվել իր երկիր մուտք գործելու իրավունքից․ ԼՂ փախստականների իրավապաշտպան միություն ԱՄՆ-ն պատրաստ է Իրանի հետ ուղիղ երկխոսության Հոգեբուժարանից փախուստի դիմած առանձնապես ծանր հանցագործը բռնվեց 20 կարևորագույն ծրագրեր, որոնք իրականացվել են Գարեգին Բ Կաթողիկոսի ջանքերով Ազատամարտիկ Սարգիսը այսօր քաղբանտարկյալ է․ իրավապաշտպան Պետական բյուջեն կառավարվում է այնպես, ինչպես շատերը կառավարում են իրենց անձնական բյուջեն․ Առաքելյան Ադրբեջանական մամուլը նոր դավադրություն է փնտրում Կիևում Ադրբեջանի դեսպանատան մոտ հարձակման մեջ Տեղի կունենա Սամվել Կարապետյանի «Մեր ձևով» ժողովրդական շարժման շնորհադեսը․ մանրամասներ
Ամենաընթերցվածները
Շուտով
Օգոստոսի 29-ին՝ ժամը 15։30-ին, Հայելի ակումբի հյուրն է Սերգեյ Շաքարյանցը Օգոստոսի 29-ին՝ ժամը 14։30-ին, Հայելի ակումբի հյուրն է Աննա Այվազյան Օգոստոսի 29-ին՝ ժամը 10։30-ին, Հայելի ակումբի հյուրն է Էդիկ Անդրեասյանը Օգոստոսի 29-ին՝ ժամը 11։30-ին, Հայելի ակումբի հյուրն է Ձյունիկ Աղաջանյանը Օգոստոսի 29-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Օգոստոսի 28-ին՝ ժամը 14։00-ին, Հայելի ակումբի հյուրն է Վիգեն Հակոբյանը Օգոստոսի 28-ին՝ ժամը 13։00-ին, Հայելի ակումբի հյուրն է Զարուհի Փոստանջյանը Օգոստոսի 28-ին՝ ժամը 15։00-ին, Հայելի ակումբի հյուրն է Հենրիխ Դանիելյանը Օգոստոսի 28-ին՝ ժամը 11։00-ին, Հայելի ակումբի հյուրն է Հայկ Այվազյանը Օգոստոսի 27-ին՝ ժամը 15։00-ին, Հայելի ակումբի հյուրն է Արշակ Սարգսյանը
Հետևեք մեզ Viber-ում https://cutt.ly/5wn8sJBS
Hayeli.am