Նիկոլ Փաշինյանի հերթական շուստրիությունը. արտահերթ չի լինի՞
Մեկ ամիս առաջ Նիկոլ Փաշինյանն իր ուսապարկերի հետ ժողով էր արել ու եկել այն եզրահանգման, որ արտահերթ ընտրությունների հասարակական պահանջ չկա։
Չկա նաեւ ընդդիմության մոտ նման ցանկություն, հակառակ դեպքոմ ԲՀԿ-ն ու ԼՀԿ-ն համաձայնություն կտային առանց նախապայմանների մասնակցել արտահերթ ընտրության, հուշագիր կստորագրեն, որ Փաշինյանի հրաժարականից հետո վարչապետի նոր թեկնածու չեն առաջադրի, ու այդպես կգնան արտահերթ ընտրությունների:
Հիմա Նիկոլ Փաշինյանը կրկին արտահերթի թեման օրակարգ է բարձրացրել։ Պատճառը պարզ է․ երբ փողոցը տաքանում է, ինքը միանգամից խոսում է արտահերթից, մի փոքր սառում է, արտահերթի հասարակական պահանջ չեն տեսնում։
Մի քանի օր առաջ, երբ բանակը եւս միացավ Նիկոլ Փաշինյանի հրաժարականի հանրային պահանջին եւ տարերայնորեն երկրում նոր ալիք բարձրացավ, Բաղրամյան պողոտայում բազմահազարանոց հանրահավաքներ, երթեր կազմակերպվեցին, Փաշինյանը նոից դիմեց խորհրդարանական ընդդիմությանը: Թեեւ մեծ հաշվով դրա կարիքը չկա, քանզի ԱԺ–ի 2/3–ին տիրապետող խմբակցության ղեկավարի դեպքում ի՞նչ հուշագրի մասին է խոսքը։
Բայց ինչեւէ, լուսավորի ու բարգավաճի հետ թվում էր, թե պայմանավորվածություն է կայացել, Գագիկ Ծառուկյանը ուրբաթ օրվա հարցազրույցում խոստովանեց, որ Հայրենիքի փրկության շարժման օրակարգն այլեւս չի պնդելու, խոսքը Փաշինյանի հրաժարականից հետո ժամանակավոր վարչապետի առաջադրում է եւ կառավարության ձեւավորումը, այ, ասաց, որ ինքը պահանջում է հրատապ ընտրություններ, թող Փաշինյանը հրաժարական տա, հնարավորինս շուտ գնանք ընտրությունների:
Էդմոն Մարուքյանը նաեւ ժամկետների մասին խոսեց, որ մինչեւ հունիսի մեկ ընտրությունները պետք է տեղի ունենան, սա է իրենց պահանջը:
Նիկոլ Փաշինյանը կիրակի օրը իր մոտ է կանչել Իմ Քայլի պատգամավորներին, հանդիպումից հետո լրատվամիջոցները գրեցին, որ վերջ, Փաշինյանը համոզվել է հունիսին արտահերթ ընտրություններ են լինելու, բայց նրա պատգամավորները մեկ օր հետո կտրականապես հերքում են հունիսին արտահերթի անցկացման որոշման լուրը: Հովիկ Աղազարյանը հայտարարել է նաեւ, միգուցե ընդհանրապես արտահերթի չգնան էլ:
Մեկ ուրիշն էլ ասում է, վարչապետի հրաժարակաի հարց իրենց օրակարգում չկա, Լիլիթ Մակունցն էլ գտնում է, որ պետք է կոնսուլտացիաները շարունակել: Իշխանական թիմում կարծես տրամադրություններ են շոշափում, որ եթե հնարավոր լինի, արտահերթի մասին խոսակցությունները դառնան հերթական քննարկում եւ անցնեն գնան: Ընտրական օրենսգրքի փոփոխությունների նախագիծը շրջանառության մեջ դնելու փաստը միգուցե նույնպես այս մանիպուլացիայի բաղկացուցիչ մասն է, որ եկեք չշտապենք, օրենսգիրքը փոխենք, նոր աշնանը գնանք ընտրության:
Անի Սահակյան
Հետևեք մեզ Viber-ում
