Հեղափոխությունը խժռում է իր զավակներին

Երեկ հայտնի դարձավ, որ «Դոլմամա» ռեստորանի սեփականատեր Ժիրայր Ավանյանին ԴԱՀԿ-ն 15 օր ժամանակ է տվել տարածքն ազատելու համար։
Ավանյանի խոսքով` նա չէր պատկերացնում, որ այնպիսի երկրում է ապրում, որտեղ առանց իր համաձայնության ու գումարային խոսակցության իր սեփականությունը կարող են վերցնել: Սփյուռքահայ Ավանյանն իր ռեստորանային բիզնեսը Հայաստանում հիմնել էր 1998-ին եւ ծաղկեցրել Ռոբերտ Քոչարյանի, ապա Սերժ Սարգսյանի պաշտոնավարման տարիներին: Սակայն 2018-ին նա դարձավ հեղափոխական, դրանից հետո՝ մոլի նիկոլական: Դոլմամայի փակվելու շուրջ բուռն քննարկում է ծավալվել, մարդիկ պատմություններ են հիշւմ, ոմանք սեփականատիրոջ իշխանական գրառումները եը գրեթե բոլոր իրենց գրառումներն ավարտում են <Արդար է> վերջաբանով:

Օրինակ պարզվում է ՝ երկար տարիներ Ավանյանը խորհուրդ չի տվել իր սփյուռքահայ գործարար ընկերներին գալ Հայաստան եւ բիզնես ծավալել՝ ասելով, որ Սաշիկը 50 տոկոս փայ է մտնում:
Սակայն նողկալի է այն, որ ոչ վաղ անցյալում Ավանյանը փառաբանում էր ներկա իշխանություններին և չէր նկատում երկրի աղետալի վիճակը, հայրենիքի մի մասի կորուստը, Շուշիի, Հադրութի հանձնումը, Արցախի քանդումը և միայն իր ռեստորանի շուրջ ստեղծված իրավիճակով պայմանավորված է փոխել իր դիրքորոշումը իշխող ուժի նկատմամբ: Արցախում կապիտուլյանտի դավաճանության պատճառով ավելի քան 100,000 տուն քանդվեց, այրվեց, մնաց թշնամու հսկողության տակ, բայց Դոլմամայի Ժիրիկը ոչ մի անգամ չարձագանքեց մեր հայրենակիցների ցավին, նա շարունակում էր իշխանահպատակ կյանքով ապրել մինչեւ երեկ: Դոլմամայի ժիրիկը Հայաստանի «հպարտ» քաղաքացու հավաքական կերպարն է, նվիրյալ հեղափոխական, նախկիններից նեղացած, հինը մերժած ու նորը փառաբանած։
Նա մերժեց նախկինը, իր անցյալը, որտեղ նա կայացել էր, մարդկանց, որոնք իրենց վճարած գերթանկ հաշիվներով հարստացրել էին իրեն և կայացրել նրա բիզնեսը։
Բայց նա հպարտ էր, հեղափոխական, վիրավորում ու հայհոյում էր ցանկացածին, ով համարձակվում էր թթու խոսք ասել Նիկոլի հասցեին, քննադատել «հեղափոխությունը»։
Հին Հայաստանում նա բիզնես էր անում, փող էր աշխատում, Երևանի սրտում ուներ սեփականություն և ամենաթանկ ռեստորանը, իսկ «նոր Հայաստանում» նրա ռեստորանն այլևս չի աշխատելու:

Այո, արդար է տեղի ունեցածը: Հեղափոխություն կոչվածը պետք է խժռի սեփական «հեղափոխականներին», ովքեր նախկինը մոռանալով, ուրանալով քծնում էին նորերին եւ հոշոտում բոլոր նրանց քննադատողներին

Անի Սահակյան