Ինչ սպասել Արցախի թիվ 1 «բոմժից» եւ քաղաքական վտարանդիից

Հանրապետության նախագահ Արմեն Սարգսյանը կարող է կարեւոր դերակատարում ունենալ ներքաղաքական սրված իրավիճակում: Գլխավոր շտաբը, հիշեցնենք, որ երեկ պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և Գասպարյանին ազատելու որոշում կայացրեց: Սակայն երեկվա դրությամբ որոշումը չէր ստորագրվել նախագահի կողմից: Արմեն Սարգսյանի աշխատակազմից երեկ տեղեկացրեցին նաև, որ ստացել են Օնիկ Գասպարյանին պաշտոնից ազատելու առաջարկությունը:

Համաձայն ՀՀ Սահմանադրության, Հանրապետության նախագահն ունի եռօրյա ժամկետ իր դիրքորոշումն արտահայտելու համար: <<Նախագահը, ելնելով պետական մարմինների բնականոն գործունեությունն ապահովելու անհրաժեշտությունից, մինչ օրս սկզբունքային առարկություններ չի ունեցել պաշտոնատար անձանց նշանակման և ազատման հարցում:
Սակայն, ռազմական դրության իրավիճակում, առկա ճգնաժամի պայմաններում, վերը նշված հայտարարությունից հետո, Զինված ուժերի գլխավոր շտաբի պետին պաշտոնից ազատումը հերթական կադրային փոփոխություն չէ՝ հաշվի առնելով, որ ՀՀ Սահմանադրության համաձայն, Հայաստանի Հանրապետության զինված ուժերն ապահովում են Հայաստանի Հանրապետության պաշտպանությունը, անվտանգությունը, տարածքային ամբողջականությունը և սահմանների անձեռնմխելիությունը:
Ստեղծված իրավիճակում որևէ մեկը որևէ ձևով չպետք է փորձի նախագահին ներքաշել քաղաքական գործընթացների մեջ: Անթույլատրելի է նախագահի նկատմամբ ճնշման որևէ փորձ>>,- նշված է նախագահականի հաղորդագրության մեջ:

Տեղեկացրեցին նաեւ՝ հանրապետության նախագահը որևէ մեկի կամ որևէ քաղաքական ուժի կողմից չէ, երբևէ չի եղել և չի պատրաստվում լինել: Նախագահն իր գործառույթներն իրականացնելիս առաջնորդվում է բացառապես պետության ու ժողովրդի շահերով:
<<Նախագահ Սարգսյանը կարևորում է կայունությունն ու հանդուրժողականության մթնոլորտը երկրում և շարունակելու է ամեն ինչ անել այդ ուղղությամբ՝ համոզված լինելով, որ խնդիրները պետք է լուծվեն երկխոսության, և ոչ թե առճակատման միջոցով:
Նախագահն այս պահի առաջնահերթ խնդիրն է համարում երկրում առկա լարվածության թուլացումն ու իրավիճակի անցնցում հանգուցալուծումը, և նրա բոլոր գործողություններն ուղղված են դրան>>:

Արմեն Սարգսյանը, բնականաբար, առաջիկա երեք օրերին մոտավորապես Ծառուկյանի ոճով կշարժվի, կնայի ներքաղաքական իրավիճակին, եթե ընդդիմության կողմից ընդվզումը թեժ լինի, ապա չի ստորագրի, հակառակ դեպքում նա կրկին կհայտնվի իր ափսեում՝ աջակցելով Նիկոլ Փաշինյանին: Սակայն առավել ուշագրավը Արցախի նախագահ կոչվող Արայիկ Հարությունյանի ներկայությունն էր Երեւանում, ավելի կոնկրետ Օնիկ Գասպարյանի աշխատասենյակում: Լրատվամիջոցների հաղորդմամբ Հարությունյանը փորձել է ԳՇ պետին համոզել դիմում գրել ու հեռանալ՝ չխանգարելով Նիկոլ Փաշինյանին: Դե, ինչ ոտի տակ ընկնող, կոշիկ լպստող Արցախի թիվ մեկ բոմժին թվում է, թե ինքն իր հարցերը լուծել է, հիմա էլ եկել է Հայաստանի թիվ մեկ բոմժին իր աջակցությունը բերի:

Անի Սահակյան