Արմեն Սարգսյանը թռնում է

Նախագահ Արմեն Սարգսյանը հրաժարվել է ստորագրել իշխող Իմ Քայլի կողմից ընդունած աղմկահարույց օրենքները եւ դրանց սահմանադրականության հարցով դիմել է Սահմանադրական դատարան:
Խոսքը «Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին» և «Արդարադատության ակադեմիայի մասին» օրենքում լրացում և փոփոխություն կատարելու մասին» օրենքների նախագծերին է վերաբերում: Իսկ եթե ավելի պարզ ձեւակերպենք՝ «կալանք տվող» և հեռախոսային խոսակցությունների լսման թույլտվություն տվող դատարանների ստեղծմանն առնչվող նախագծերի մասին է, որը ընդունել էին ընդդիմադիր գործիչների, ավելի կոնկրետ՝ նախկինների համար:

Իրավաբանական համայնքը բազում անդրադարձեր է կատարել դրանց վերաբերյալ՝ ընդգծելով Սահմանադրությանը հակասությունները:<<Հանրապետության նախագահը կարևորում է դատական համակարգի դերն ու նշանակությունը պետության կենսագործունեությունն ու հասարակության բնականոն կյանքն ապահովելու հարցում>> տեղեկացնում են նախագահի գրասենյակից հավելելով .<<Օրենքների կիրառումը չպետք է խնդրահարույց լինի Սահմանադրությամբ ամրագրված՝ դատավորների անկախության ու անաչառության սկզբունքների պահպանման, արդարադատության իրականացմանը որևէ միջամտություն բացառելու տեսանկյունից:
Օրենքների վերաբերյալ Հանրապետության նախագահի աշխատակազմի ուսումնասիրությունները և փորձագիտական կարծիքները հանգեցրել են այն եզրակացության, որ Օրենքներն առերևույթ խնդրահարույց են սահմանադրականության տեսանկյունից>>:

Արմեն Սարգսյանի կողմից սա գործնականում առաջին քայլն է կապիտուլացիայի ստորագրումից հետո, որով անհամաձայնություն է դրսեւորում Նիկոլ Փաշինյանի հետ եւ ցույց տալիս, որ չի պատրաստվում կատարել Փաշինյանի կամքը: Նոյեմբերի 9-ից հետո թեեւ Արմեն Սարգսյանը հանդես եկավ Նիկոլ Փաշինյանի հրաժարականի պահանջով, բայց գործնականում խելոք դակում էր Փաշինյանի բոլոր որոշումները՝ հիմնավորելով բոլոր կասկածները, որ պատերազմի խայտառակ պարտության եւ Արցախը հանձնելու ծրագրում նա Փաշինյանի դաշնակիցն է: Մենք այս թեմային բազմիցս ենք անդրադարձել, Արմեն Սարգսյանի՝ Բրիթիշ պետրոլիումի շահերի պաշտպանության տեսանկյունից եւ արձանագրել, որ թերեւս Սարգսյանն այն մարդկանից է, ով դեմ է եղել Ադրբեջանի նավթամուղին հարվածներ հասցնելուն:

Արդյոք Փաշինյանից երես թեքելով` Արմեն Սարգսյանը փորձում է թռնել իր բաժին պատասխանատվությունից, մաքրել իրեն կատարվածից, թե պարզապես նման քայլերով փորձում է բռնել Փաշինյանի վախը եւ իրեն, ինչպես ասում են, թանկով ծախել: Կամ էլ, իրապես, հասկացել է, որ անկախ ամեն ինչից մեր օրերում անարգանք է Փաշինյանի դաշնակիցը լինելը: Որովհետեւ փաստն այն է, որ Արցախը հանձնած դավաճանի միակ համախոհները Հոկտեմբերի 27-ի հայտնի ցուցակի աթոռապաշտ կլիենտներն են՝ Վաղարշակ Հարությունյանն ու Անդրանիկ Քոչարյանը:

Հոկտեմբերի 27-ի ողբերգական դեպքից հետո այս ցուցակի մասին բազմիցս խոսվել և գրվել է ԶԼՄ-ներում: 1999թ. հոկտեմբերի 27-ին ՀՀ Պաշտպանության փոխնախարար Աստվածատուր Պետրոսյանն ԱԺ-ում փոխանցել է այն ժամանակվա նախագահ Ռոբերտ Քոչարյանին։ Ըստ դրա՝ Քոչարյանը նշանակում է ցուցակում ներկայացված անձանց՝ ըստ նշված պաշտոնների, իսկ վերջիններս չեն շահարկում Քոչարյանի անունն այդ օրը տեղի ունեցած սարսափելի ոճրագործության իբր կազմակերպիչների, կամ գոնե` շահագրգիռ անձանց շարքում: Ցուցակում էին նաեւ Քոչարյանի եւ Հարությունյանի անունները:

Անի Սահակյան