Վիկտոր Մնացականյանի դիսկոտեկային «դվիժենիները» ֆիլհարմոնիկում

Կենտրոնի նախկին թաղապետ, այժմ Հայաստանի ֆիլհարմոնիկ նվագախմբի եւ «Արամ Խաչատրյան» համերգասրահի տնօրենի պաշտոնակատար Վիկտոր Մնացականյանը դիջեյական անցուդարձի մեջ է: Ֆիլհարմոնիկը նա շփոթել է գիշերային քլաբների հետ եւ գունավոր լուսային էֆեկտներով, ծաղկային ձեւավորմամբ գլամուր մթնոլորտ է փորձում ստեղծել՝ դարձնելով դիսկոտեկային մթնոլորտ: Մնացականյանը նաև արհեստական ծաղիկների սիրահար է, և դրանցով լցնում է ֆիլհարմոնիկի միջանցքները: Նրա այս մոտեցումները լուրջ անհանգստություն են առաջ բերել աշխատակազմում, տեսնում են, որ մարդն իր տեղում չէ, հեռու է ոլորտից: Սակայն ֆիլհարմոնիկի գլխավոր դիրիժոր, գեղարվեստական ղեկավար Էդվարդ Թոփչյանը հանդարտեցնում է բոլորին՝ ասելով, կարեւորը լավ կապեր ունի: Փաստորեն իմքայլականների աղճատված մոտեցումներն այստեղ էլ ներթափանցեցին: