Կոշիկ լիզող խոզանակներ

Եվրոպայի խորհրդի խորհրդարանական վեհաժողովը (ԵԽԽՎ) ձմեռային նստաշրջանի լիագումար նիստի ընթացքում երեկ քննարկեց ԵԽԽՎ-ում ռուսական պատվիրակության լիազորությունների վերանայման հարցը:
Քննարկման ընթացքում պատվիրակներից շատերը առաջարկություններ էին ներկայացրել, որ բանաձևում փոփոխություններ կատարվեն և չհաստատվեն ՌԴ-ի պատվիրակության լիազորությունները: Սակայն այդ առաջարկները մերժվել են: Ի վերջո, ձայների 107 «կողմ», 36 «դեմ» և 24 «ձեռնպահ» հարաբերակցությամբ ընդունվել եւ հաստատվել է ՌԴ պատվիրակության լիազորությունները: ԵԽԽՎ-ում հայկական պատվիրակության անդամներից քվեարկությանը մասնակցել են իմքայլական պատգամավորներ Տաթևիկ Հայրապետյանը, պատվիրակության ղեկավար Ռուբեն Ռուբինյանը, ԲՀԿ խմբակցության պատգամավոր Նաիրա Զոհրաբյանը և ԼՀԿ խմբակցության ղեկավար Էդմոն Մարուքյանը: Նրանք բոլորը «կողմ» են քվեարկել բանաձևին:
Հիշեցնենք, որ 2019 թվականին, երբ ԵԽԽՎ-ում քվեարկում էին ռուսական պատվիրակության ԵԽԽՎ վերադարձի հարցը, հայկական պատվիրակության իշխանության ներկայացուցիչները մի էժանագին թատրոն բեմադրեցին՝ իբր փորելով ցույց տալ իրենց անկախությունը եւ Ռուսաստանի նվագի տակ չպարելը: Իմքայլականները բոյկոտեցին քվեարկությունը բացառությամբ Ռուբեն Ռուբինյանի, ով դեմ էր քվեարել, որ ՌԴ պատվիրակությունը վերադառնա ԵԽԽՎ: Քվեարկությունից հետո մեծ սկանդալ բարձրացավ, դիվանագիտական խողովակներով Նիկոլ Փաշինյանի ականջները ձգելուց հետո Ռուբինյանը կանգնեց ու հայտարարեց, թե սխալվել է, կողմ պետք է քվեարկեր, մատը դեմ-ին է գնացել: Հետո սելֆի հրապարակեց ռուս գործըկերոջ հետ՝ ասելով, թե մերձեցման երեկոյ են կազմակերպում:
Ուշագրավ է, որ գրեթե նույն հարցի շուրջ իշխանականները մեկուկես տար անց ինչպիսի նախաձեռնողականություն են դրսեւորել: Մեկ տարի առաջ Նիկոլ Փաշինյանի՝ հայ դիվանագիտության վերաբերյալ հայտնած մտքերը թերեւս ապագայի, ավելի ճիշտ իրենց մասին է:

«Ձեր դիվանագիտությունն ինչ է եղել՝ ինչքան օտար անձնագրերով մարդ եք տեսել, կոշիկները լիզել եք, ա՛յ անինքնասերներ: Ու ողբերգությունն էն է, որ դուք բոլորի կոշիկները լիզել եք մեր անունից: Բայց մենք կոշիկ լիզող չենք, դո՛ւք եք կոշիկ լիզողը: Դուք լիզել եք եւ լիզելու եք: Այսօր էլ եք վազում եվրոպաներում ու մոսկվաներում ինչքան կոշիկ տեսնում եք՝ լիզում եք: Այ ըտենց էլ մինչեւ կյանքների վերջը լիզելու եք սրա-նրա կոշիկները, կոշիկ լիզողնե՛ր»: Կարծում ենք սա ամբողջական չի բնորոշում այս անողնաշար դիվանագետիկներին , ինչպես Ռոբերտ Քոչարյանն է ասում, <<Ի՞նչ ինքնիշխանություն․ այդ ինքնիշխան լեզուն հիմա դարձել է կոշիկ մաքրելու խոզանակ>>:

Անի Սահակյան