«Ադրբեջանական պատվիրակները մեր «Իսկանդերի» ձեռքբերմամբ շատ անհանգստացած են». Կորյուն Նահապետյան
Այսօր ԱԺ-ում ՆԱՏՕ-ի խորհրդարանական վեհաժողովում ՀՀ ԱԺ պատվիրակության ղեկավար Կորյուն Նահապետյանը նշեց, որ պաշտպանության եւ անվտանգության հանձնաժողովում Ադրբեջանի պատվիրակը մայիսի 26-29-ը Թբիլիսիում կայացած վեհաժողովի գարնանային նստաշրջանի աշխատանքներիշրջանակներում, հարց է բարձրացրել ՀՀ-ի կողմից «Իսկանդեր» համակարգերի ձեռք բերման հետ կապված: ց «Պետք է նշեմ, որ բավականին անհանգստացած են ադրբեջանական պատվիրակները: Դա նկատելի էր հարց տալու ընթացքում: Մենք պարզաբանեցինք, թե ինչպիսին է մեր պաշտպանական քաղաքականությունը, որոնք են մեր անվտանգության առաջնահերթությունները, հստակ նշվեց, որ այս համակարգի ձեռքբերումը նպատակ ունի վերականգնելու ուժերի հավասարակշռությունը Հարավային Կովկասում: Ադրբեջանական պատվիրակը խոսում էր նաեւ ՌԴ-ից անվճար զենք ձեռք բերելու մասին: Մենք հակառակ պնդումն արեցինք, որ Ադրբեջանը վերջին ժամանակահատվածում միլիարդավոր դոլարներ է ծախսում՝ հարձակողական նշանակության զենք ձեռք բերելու համար»,- ասաց նա:
Հետևեք մեզ Viber-ում
