«Երեկ ԱՄՆ-ում վերջնահաշվարկ էր իրականացնում, որով Կոնգրեսը (եթե բողոքներ չկան) ամփոփում էր նախագահական ընտրությունների արդյունքները, որից հետո 2021թ.-ի հունվարի 20-ից Ջո Բայդենն ու իր վարչախումբն արդեն պաշտոնապես պետք է իրականացնեն իրենց գործառույթները»,- մեզ հետ զրույցում ասաց միջազգայնագետ Սուրեն Սարգսյանն՝ անդրադառնալով երեկ ԱՄՆ-ում տեղի ունեցած անկարգություններին։ «Այս ամենն ուղեկցվում էր Վաշինգտոնում մեծաթիվ բողոքի ցույցերով։ Դոնալդ Թրամփի մի խումբ աջակից ցուցարարներ շարժվեցին Կոնգրեսի շենք: Նրանք բողոքում էին ընտրությունների արդյունքներից և պնդում, որ ընտրակեղծարարությամբ է Բայդենը հաղթել նախագահական ընտրություններում: Պաշտոնական տեղեկությունների համաձայն՝ Կոնգրեսի շենքում տեղի են ունեցել բախումներ, հրաձգություն, ինչի արդյունքում 4 մարդ է մահացել։ Այդ ժամանակ նիստերի դահլիճում երկու պալատները նիստ էին վարում։ Ցուցարարները մինչև անգամ ներխուժեցին նիստերի դահլիճ, նիստը ընդհատվեց: Կոնգրեսականներին տարհանել էին։ Այդուհանդերձ լարված իրավիճակը ոստիկանները կարողացան հանդարտեցնել, ինչից հետո նիստը շարունակվեց ու Բայդենի ձայները ֆորմալիզացվեցին»: Դիտարկմանը՝ արդյոք Թրամփի աջակիցներն այսքանով կսահմանափակվեն, Սուրեն Սարգսյանը պատասխանել է․ «Այս բողոքի ակցիաները կշարունակվեն, որոշակի անհնազանդություններ կլինեն: Սա պետք է ասեմ, որ ոչ թե ճգնաժամի սկիզբ է, այլ ճգնաժամի հետևանք: Այս ճգնաժամն արդեն մի քանի տարի է ինչ կա ԱՄՆ-ում»։ Միջազգայնագետն ընդգծում է, որ այսօր ԱՄՆ-ում հասարակությունը երկփեղկված է, և այս հարցի լուծում է թերևս Բայդենի՝ նախագահ ընտրվելուց հետո ամենամեծ գլխացավանքն է լինելու։ Հարցին՝ հայ-ամերիկյան հարաբերություններում կլինե՞ն փոփոխություններ Բայդենի նախագահ ընտրվելուց հետո, Սուրեն Սարգսյանը պատասխանել է․ «Հայ-ամերիկյան հարաբերություններում փոփոխությունների մեծ սպասելիքներ չպետք է ունենալ: Միգուցե Հայաստանի նկատմամբ որոշակի վերաբերմունք փոխվի, բայց քաղաքականությունը նույնն է մնալու: Այսօր մեր հարաբերությաունները գտնվում են շատ ցածր մակարդակի վրա: Ինչ վերաբերվում է Արցախյան վերջին պատերազմի հետ կապված Բայդենը նոր վերաբերմունք ցույց կտա, թե ոչ, կարծում եմ՝ ոչ: Ամերիկյան քաղաքականությունը Հարավային Կովկասում էական փոփոխությունների չի ենթարկվի»:
Դեկտեմբերի 15-ին՝ ժամը 14։30-ին, Հայելի ակումբի հյուրն է Խաչիկ Մանուկյանը
Դեկտեմբերի 15-ին՝ ժամը 12։00-ին, Հայելի ակումբի հյուրն է Նաիրա Զոհրաբյանը
Դեկտեմբերի 15-ին՝ ժամը 11։00-ին, Հայելի ակումբի հյուրն է Լարիսա Ալավերդյանը
Դեկտեմբերի 12-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Դեկտեմբերի 12-ին՝ ժամը 12։00-ին, Հայելի ակումբի հյուրն է Զարուհի Փոստանջյանը
Դեկտեմբերի 12-ին՝ ժամը 13։00-ին, Հայելի ակումբի հյուրն է Հայկ Այվազյանը
Դեկտեմբերի 12-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 11-ին՝ ժամը 14։00-ին, Հայելի ակումբի հյուրն է Նարե Սոսեն
Դեկտեմբերի 11-ին՝ ժամը 15։00-ին, Հայելի ակումբի հյուրն է Սեյրան Չիլինգարյանը
Դեկտեմբերի 11-ին՝ ժամը 16։00-ին, Հայելի ակումբի հյուրն է Սամվել Հակոբյանը
Հետևեք մեզ Viber-ում
