Թաղման բյուրոներում ԱԱԾ սպաները նստած հսկում են, որ հանկարծ որևէ մեկը թիվ չտա. Միքայել Մինասյան (video)
Պատերազմն արդեն 2 ամիս վերջացել է, բայց ամենակարևոր բանը Նիկոլ Փաշինյանը դեռ չի ասել, թե քանի զոհ ունենք մենք: Այս մասին ֆեսբուքյան ուղիղ եթերում հայտարարել է Միքայել Մինասյանը. «21-րդ դարում ենք ապրում: Հերիք է ուղղակի Ֆեյսբուքում գրի ու ասի, թե քանի մարդ չի պատասխանում, երբ կանչում ես»:
«Չեն ասում, թե քանի վիրավոր ունենք: Թաղման բյուրոներում ԱԱԾ սպաները նստած հսկում են, որ հանկարծ որևէ մեկը թիվ չտա: Գնացեք ստուգեք: Բոլոր թաղման բյուրոներում ԱԱԾ սպաներ կան»,-ասել է նա:
«Հիմա նաև մարդկանց թաղում են, բայց չեն տալիս մահվան վկայական, քանի որ, երբ մահվան վկայականը տալիս ես, մտնում է համակարգի մեջ: Մենք հասել ենք նրան, որ Եռաբլուրում օդը փակել են, որպեսզի դռոներ չկարողանան թռցնել ու իմանալ քանի գերեզման կա: Պետությունը, Նիկոլ Փաշինյանը զբաղված են թաքցնելով, իսկ մենք զբաղված ենք չհարցնելով»,-նշել է նա:
«Հոսպիտալների դիմաց շարված են ռազմական ոստիկանության սպաներ, որոնք ամեն ինչ անում են մարդկանց հարցուփորձ չանելու համար»,-հավելել է նա:
«Մենք չգիտենք, թե քանի գերի ունենք: Նիկոլ Փաշինյանն ու կլոուն Արայիկը մեծ փիառով 44 գերի, փառք Աստծո, հետ բերեցին, մյուս օրը նորից 60-70 հոգի գերեվարվեցին»,-նշել է նա՝ հավելելով, որ այսօր չգիտենք անգամ, թե քանի գյուղ ենք հանձնել, ինչ է ստորագրել Նիկոլ Փաշինյանը:
Հետևեք մեզ Viber-ում
