Արայիկ Հարությունյանն ու Նիկոլ Փաշինյանը շարունակում են կրակի հետ խաղալ

Արցախի նախագահ Արայիկ Հարությունյանի և Երևան ժամանած ԵԱՀԿ Մինսկի խմբի համանախագահների ծրագրված հանդիպումը չի կայացել։ Նախագահի գրասենյակից հայտարարեցին, որ չեղարկման նախաձեռնությունը հայկական կողմինն է եղել: «Պատճառը ոչ լիարժեք ձևաչափն է, հաշվի է առնվել այն փաստը, որ ռուս համանախագահը տարածաշրջանային այցին չի մասնակցում»,- բացատրել է մամուլի խոսնակը։ Հիշեցնենք, որ տարածաշրջանային այցի շրջանակում Բաքու այցից հետո Երևան են ժամանել ԵԱՀԿ Մինսկի խմբի համանախագահներ Ստեֆան Վիսկոնտին (Ֆրանսիա) և Էնդրյու Շեֆերը (ԱՄՆ): Նանք Երեւանում հանդիպել են ԱԳ նախարարի եւ Նիկոլ Փաշինյանի հետ:
Եւ ուրեմն հարց է ծագում՝ որն է եղել Հարությունյանի մերժման իրական դրդապատճառները, ադյոք միայն այն, որպեսզի ցույց տա, որ ինքը Նիկոլ Փաշինյանից լավ է ծառայում ռուսաց թագավորին: Քանզի աներկբա է, որ սա ակնհայտ ռեւերանս է առ Ռուսաստան, բաց տեքստով էլ ներկայացվում է, որ հանդիպումը չեղարկվել է Ռուսաստանի համանախագահի բացակայության պատճառով։ Սա, սակայն, վտանգավոր, չափազանց վտանգավոր քայլ է, քանի որ այսպիսով Արցախը դեմարշ է անում ԵԱՀԿ Մինսկի խմբի համանախագահությանը, ինչը որևէ կերպ չի բխում հայկական կողմի շահերից։
Բացի այն, որ Արայիկ Հարությունյանը բռնել է Ալիեւի ճանապարհը, ով մեկ օր առաջ Բաքվում խայտառակ կերպով եւս դեմարշ էր արել համանախագահների դեմ: Ճիշտ է Ալիեւն ավել քաղաքավարի էր գտվել, նրանց ընդունել էր, սակայ ասել, որ ՄԽ-ն այլեւս անելիք չունի եւ որ իրենք Ռուսաստանի հետ խնդիրն արդեն լուծել են պատերազմով: Բայց միթե մեզ համարը հարցը լուծված է, այն պարագայում, երբ Արցախի կարգավիճակի հացը մնում է օդում կախված: Եւ թվում էր, թե ամեն ինչ պետք է անեինք խնդրի կարգավորման եւ Արցախի կարգավիճակի հարցը ԵԱՀԿ ՄԽ ձեւաչափով քննելու ուղղությամբ, բայց մենք տեսնում ենք ճիշտ հակառակ պրոցեսը: Ինչպես ասում են՝ հայը չի սովորում անգամ սեփական սխալների վրա: ԵԱՀԿ Մինսկի խմբին հեղինակազրկելու ոչ հայանպաստ այս քայլը մեզ վնասից բացի ոչինչ չի տալու:Միամտություն կլինի կարծել, թե Արայիկ Հարությունյանը նման քայլի է դիմել սեփական նախաձեռնությամբ, ակնհայտ է, որ նա Նիկոլ Փաշինյանից նման հանձնարարություն է ստացել: Իսկ Նիկոլ Փաշինյանը ակնհայտ է, որ մտել է վտանգավոր խաղի մեջ, որը նոր վտանգների առջեւ կարող է պետությունը կանգնեցնել։ Մի կողմից՝ նա իր ազդեցության տակ գործիչների ու խմբերի միջոցով հակառուսական ակցիաներ է կազմակերպում, օրինակ Սասնա ծռերին է փողոց հանում, որպեսզի ԵԱՀԿ ՄԽ-ին խնդրեն հարցը տանել իրենց ձեւաչափ, կամ մի օր առաջ սորոսական Հայկ Խանումյանին է Ստեփանակերտում ռուսական խաղաղապահ առաքելության դիմաց, մյուս կողմից՝ Արայիկ Հարությունյանի միջոցով հարվածում է Մինսկի խմբին՝ հաճոյանալով Ռուսաստանին։ Այս մարդուն այսօր Արցախի կարգավիճակից եւ այլ հարցերից առավել իր աթոռն է հետաքրքրում, եւ եթե պահը թելադրում է լիզել ռուսական սապոգը, ապա դա կանի միանշանակ եւ աներկբա:

Անի Սահակյան