«Ես կլինեմ նստած, Վարդան Այվազյանը, թե Պետրոսը, Նիկոլը հաստատ երկար ու երկար տարիներ նստելու է հայրենիքը, պետությունը քանդելու համար». Է. Շարմազանով
«Ակնհայտ է, որ հողատու, դավաճան Նիկոլը հոգեվարքի մեջ է: Հայրենիքը հանձնելուց հետո, դավաճան Նիկոլը և իր խունտան նախաձեռնել են այն մարդկանց որսը, որոնք չեն հանդուրժում ու պայքարում են հողատուի ռեժիմի դեմ, և դրանց շարքում է նաև նախկին նախարար Վարդան Այվազյանը: Ակնհայտ է, որ սա ունի քաղաքական ենթատեքստ. սրա նպատակն է Վարդան Այվազյանին խուզարկելով, ձերբակալելով, մինչ այդ մեզ ձերբակալելով , մեր շատ հանրապետական ընկերների, շատ ընդդիմադիրների ձերբակալելով փորձել լռեցնել»,- մեզ հետ զրույցում, անդրադառնալով Բնապահպանության նախկին նախարար Վարդան Այվազյանին ձերբակալելու որոշմանը, նման կարծիք հայտնեց Ազգային ժողովի նախկին փոխնախագահ, Հայաստանի Հանրապետական կուսակցության խոսնակ Էդուարդ Շարմազանովը:
«Բայց իրենք երազախաբության մեջ են, մենք չենք լռելու. նման ապօրինի ձերբակալություններով, նման շինծու քրեական գործեր սարքելով, նրանք ավելի են գրգռելու հասարակության առողջ հատվածի վրդովմունքը և ընդվզումը: Նիկոլը պետք է հեռանա. ես կլինեմ նստած, Վարդանը, թե Պետրոսը, Նիկոլը հաստատ երկար ու երկար տարիներ նստելու է հայրենիքը քանդելու, պետությունը քանդելու, Ալիևին կիրթ ու կառուցողական անվանելու համար»,- շարունակեց Շարմազանովը:
Շարմազանովի համոզմամբ՝ Վարդան Այվազյանն այն գործիչը չի, որ ձերբակալություններից պետք է վախենա կամ իր կարծիքից ու պայքարից ետ նահանջի: «Ինչ է նշանակում գիշերն այնտեղ է եղել. հազարավոր մարդիկ են եղել: Ասել ես՝ երեք միլիոն վարչապետ կա, առանց ձեզ Ղարաբաղի հարց չեմ որոշի, 44 օր ասել ես հաղթում ենք, վերջում մարդիկ ռուսական լրատվամիջոցներից իմանում են , որ արդեն կապիտուլյացիայի, «կզելու» պայմանագիր ես ստորագրել, թուրքի, Էրդողանի առաջ կզել ես, ամբողջ ազգին սարքել ես պարտվող, այ հողատու, բա ինչ պետք է անեին, էդ մարդիկ չպետք է ընդվզեի՞ն: Քո քաղաքական մակարդակը, այ հողատու, Հրայր Թովմասյանի նվիրած ճտիկով գրիչից ու քո դաչայից գողացած օծանելիքի մակարդակից այն կողմ չի անցնում»,-ասաց ՀՀԿ խոսնակն ու հավելեց. «Մենք պայքարելու ենք մինչև վերջ, վճռական ենք լինելու՝ լինենք ազատության, թե անազատության մեջ: Կոնկրետ Վարդանը որևէ խնդիր չունի, մեզ էլ են ձերբակալելու, ձերբակալեք հետո...եթե կարծում ես, որ այդ ձերբակալությունով մեզ պետք է լռեցնես, կամ Արցախը հետ ես բերելու այ հողատու, ձերբակալի»:
«Ընդդիմախոսներին ձերբակալելու փոխարեն, թող ծպտուն հանի Ալիևին ու Էրդողանին պատասխանի, որ ասում են Էնվեր Փաշայի հոգին փառավորվեց, բայց քանի որ դուխ չունի, խելք էլ չունի , վախկոտի մեկն է, իր դուխը միայն ընդդիմախոսներին ձերբակալելու մեջ է: Այդ գործելաոճը իրեն սպառել է: Ամեն օր ակցիա ենք անելու, այնքան ենք անելու, մինչև ռադդ քաշես, այս իշխանությունից գնաս, Հայաստանը, հայ ժողովուրդը չի հանդուրժելու քո նման հողատու ղեկավար, սա քաղաքական խնդիր չի, ոչ էլ կուսակցական, սա արժանապատվության խնդիր է: Նա, ով դուրս է գալիս փողոց, արժանապատվություն ունի, նա, ով պաշտպանում է դավաճանին, կրկնակի դավաճան է, ու հողատու»,-եզրափակեց Շարմազանովը:
Հետևեք մեզ Viber-ում
