17 ուժերը տարաձայնություններ ունեն

Ընդդիմադիր 17 կուսակցությունների միջեւ տարաձայնություններ կան Հայաստանի նախագահ Արմեն Սարգսյանի հարցում: Ինչպես հայտնի է կան շրջանակներ, որոնք Արմեն Սարգսյանին հավասարապես են մեղադրում պատերազմի ու պարտության եւ մութ դրվագների հարցում: Հրանտ Բագրատյանը մի քանի դրվագներով հրապարակային խոսել է այդ մասին: Եւ չնայած մինչ հանրահավաքը նա խոստանում էր, որ ավելի ծավալուն է խոսելու հանրահավաքի ժամանակ, սակայն այդպես էլ ելույթ չունեցավ: Մեր տեղեկություններով, որոշ ուժեր դեմ են եղել նման ելույթի, մասնավորապես Արթուր Ղազինյանը, ՀՅԴ-ն եւ ուրիշներ, որոնց փաստարկը թերեւս այն է, որ պետք չէ հիմա հարաբերություններ փչացնել, դրա ժամանակն էլ կգա: